Shillong, Nailar 23: Ka prokram ban sam certificate ia ka kynhun kaba 101 jong ki shah hikai Computer bad ka kynhun kaba 40 jong ki shah hikai Language ka la long mynta ka sngi ha ka por shiteng sngi ha Ramakrishna Mission Vivekananda Cultural Centre hanongbah Shillong.
Ha kane ka prokram la sam haduh 1060 tylli ki certificate ia ki samla pule kiba la leh bha ha ka jingai jinghikai Computer. Ka Ramakrishna Mission, Shillong ka ai jinghikai ia kumba 6000 ngut ki samla ha san tylli ki bynta man u snem ha ki jinghikai kiba iadei bad ki kor computer.
Kane ka Jingpynkup burom kaba mynta ka dei jong ki shah hikai jong ka bynta kaba long naduh u Jylliew haduh Nailar 2023 kaba kynthup 1400 ngut ki samla na ki jaka bapher bapher jong ki jylla ka thain shateilammihngi.
Kito kiba la leh bha ha kane ka jinghikai ki long, Beginner Module la ioh da ka Khanchui Jajo, Intermediate Module la ioh da U Surojit Medhi, Accounting and Tally bynta ba nyngkong la ioh da kaLongmai Gashnga.
Ha ka Accounting and Tally bynta ba ar la ioh da ka Evangelica Barishisha Lyndem, ha ka DTP-I , Web Designing-I bad PC Maintenance la ioh da u Gopi Gupta, ha ka Database II, Web Designing II bad Pythonla ioh da ka Meba-ai Shisha Syiem bad ka Napersara Nongkhlaw, ha ka, ha ka ktien phareng la ioh da ka Felisha Rapsang.
Kine ki samla pule kiba la leh bha ki la shah pynkup burom da ki jingai sngewbha. Shuh shuh ka PhibarishaKurbah bad u RyngkatdorSuting ki la ioh ia ki tiar computer kum ki jingai sngewbha.
Ha ka jingai jingkren jong u, u VairagyachaitanyaMaharaj, Deputy in-charge jong kane ka jaka pule u la kitbokkitrwiang ia baroh ki samla pule bad u la kren shaphang ki jingthmu jong u Swami Vivekananda ban pynsaphriang ia ka jingbha na ka shnong sha ka shnong.
U la ong ba ia kane ka jaka pule la pyniaid da ki riewkhuid bad ba ka don na ka bynta ka bha ka miat. U la batai ruh shaphang ki kam jong kane ka jaka pule bad ki bynta jong ki jingai jinghikai computer hangne.
U kongsan ha kane ka sngi, u Swami AnuraganandajiMaharaj, Secretary ka Ramakrishna Mission, Sohra u la ai jingiaroh ia ki samla pule kiba la iasoh lang bad kane ka jaka pule kaba la pawnam namar ka jingnoh synniang jong ka ha kylleng ka pyrthei.
U la kren shaphang ki kam jong ka Ramakrishna Mission, Sohra kaba ai jinghikai ia 12,000 ngut ki samla pule man u snem ha 49 tylli ki jaka ha Meghalaya la shispah snem mynta.
Ha ka jingpynkutia kane ka prokram, u Swami DivyaswarupanandajiMaharaj, Centre-In-Charge, u la ai jingsngewnguh ia baroh kiba la iadon bynta ha kane ka kam bad u la kren shaphang ki jinghikai jong u Swami Vivekananda ha ka ktien Khasi bad ka ktien Phareng.
