Shillong, Nailar 03: U Nongialam ka liang pyrshah u Dr. Mukul Sangma ba dei ruh u myntri rangbah barim ka jylla u la ong ba ka jingpynkynriah khah khah ia ki Deputy Commissioner bad ki Superintendent ki Pulit ka ktah ia ki kham khappud.
U Nongalam ka liang pyrshah haba kren ha ki lat pathai khubor la ong ba ha ka por jong u kum u myntri rangbah ka jylla la pynneh ia u Deputy Commssioner jong ka West Khasi Hills District haduh hynriew snem namar ka dei ka District ka don ia ka jingiakajia pud bad ka Assam.
U Dr Mukul u la ong ba ka jingpynkynkynriah khah khah ia ki DC bad SP khamtam ha kito ki District ba don ka jingiakam pud mar kylliang ka ktah bha ia ka kam pud kam sam namar ka shim por ia ki ophisar ba kin sngewthuh ia ka jingjia ha madan.
U nongialam ka CLP u la ong kum ka party ka ieng ha ka nongrim ba ka jigniakren pynbeit pud ka dei ban long na ka bynta ka jingmyntoi ki paidbah ka jylla Meghalaya, ha u snem 2010 ba u shimti kum u myntri rangbah ka jylla la shem ba ki duna ki kot ba ia dei bad ka khappud ha kaba ka sorkar ha kato ka por lala leh shitom ban biang ia ki dulir.
La ong ba ha ka por jong u kum u myntri rangbah kajylla kila pynkhreh ia ki kot ki sla ban kam ia ki jaka na ka Assam bad kine ki kot ki sla ki long ban pynskhem ia ka jingkam jong ki da ki dulir, kane ka jingiakren mynta ruh ka dei ban long katkum ki kot ki sla kiba ka sorkar kala dep ai sha ka sorkar Assam.
U Nongialam ka liang pyrshah u la ong ba baroh kine ki kot ki sla bad ki dulir ki don bad ka sorkar bad haba ia kren ka dei ban ia kren katkum ki dulir kiba ka sorkar Meghalaya kala dep ban ai sha ka Assam bad ka jingiakren ka dei ban pdiang da ki briew jong ka jylla.
Haba jubab ia ki jingkylli haba ia dei bad ka jingai ia ka jylla Meghalaya katkum ka North East Reorganisation Act 1971, U Dr. Mukul u la ong ba ia kane ka ain ki paidbah kim pdiang naduh ka sngi nyngkong. Ka jingiakren ka dei ban long katkum ka jingiapdiang long ki paidbah.
