New Delhi, K. Lyngkot 19: Ka prokram ai dawai COVID-19 ha kylleng ka ri ka la long kaba iaid beit iaid ryntih ha ka sngi kaba saw ruh kumjuh. Ia kane ka prokram ai dawai COVID-19 la plie da u Myntri Rangbah duh ka ri ha ka 16 tarik Kyllalyngkot, 2021.
Ka jingdon ki nongai jingsumar kiba la ioh ia u dawai COVID-19 ka la kot sha ka 6,31,417 ngut (haduh ka por 6 baje janmiet mynta ka sngi) lyngba ki 11,660 tylli ki jingai dawai, katkum ka jingioh jingtip haduh mynta. La pynlong 3,800 tylli ki jingai dawai haduh ka por 6 baje janmiet mynta ka sngi.
Ki briew kiba la ioh dawai (katkum ka jingioh jingtip haduh 6 baje janmiet ki long 1,77,368 ki briew ki la ioh dawai haduh ka por 6 baje janmiet mynta ka sngi, kaba long ka sngi ba saw jong ka jingai dawai COVID-19 ha kylleng ka ri. Ia ki kaiphod ba khatduh yn ioh ban pyndep haduh shibit mynmiet.
Na kane baroh tang khyndai ki AEFI ki la donkam ia ka jingshah sumar ha hospital. Ha Delhi, lai ngut ki la ioh mih na hospital katba uwei u dang don hapoh ka jingpeit bniah ha Rajiv Gandhi, Hospital Shahdara. Ha Uttarakhand ruh la don kawei ka case AEFI hynrei la pyllait noh ia une ban leit sha la iing hadien ba la ioh jingsumar.
Ha Karnataka, uwei u briew u la ioh mih na jaka sumar bad sa uwei pat u la kham bit kham biang bad u don hapoh ka jingpeit bniah ha Distrik hospital, Chitradurga. Ha Chhattisgarh ruh, uwei u briew u la mih na jaka sumar hadien ba la ioh jingsumar.
Ha Rajasthan, la suba ba ka don kawei ka case anaphylaxis hynrei u la kham biang bad u don hapoh ka jingpeit bniah ha Distrik hospital, Bangar.
