Shillong, Iaiong 18: U President jong ka KHNAM u Bah yndapborthiaw Saibon u la ong ba u Myntri Rangbah, u Conrad Sangma, u la ong ba ym dei ban pynlong ishu ïa ka Inner Line Permit (LIP) hynrei dei ban ïakren beit ïa ki lad jingïada ïa ka jingwan kyrthep ki briew ba nabar.”
U President jong ka KHNAM u Bah Pyndapborthiaw Saibon u kwah ban pynkynmaw ia u Myntri Rangbah ba ka ILP ka dei ka atiar ban iada ia ngi ki jaidbynriew rit paid, bad ka jing bym pyntreikam ia kane ka la kylla long ka issue kaba la sahteng sah haduh mynta.
Ha ka wei ka liang ka sorkar ka ong ba ka don ia ka thong ban iada ia la ki jong ki briew, hynrei ha kawei pat ka liang u ong ba ym lah ban pyntrei kam ia ka ILP, Kane ka long ka jingkren ar jingmut. U MR kumno un shu kam lane kren shimet ba ym lah ban pyntrei kam ia ka ILP, ia kaba ka High Level Committee Kaba la thaw da ka sorkar kaba rim ka la mynjur ban pyntrei Kam.
ka jingdawa ban pyntrei kam iaka ILP kamdei ban pynjngut ïa ka jingthmu ban ïada ïa ki trai ri trai muluk hynrei kadei lynti ban khanglad bad iada ia ngi naka jingrung kyrthep ki myrder “Namar baroh shikatta ngi iohi tang ia ki dien rung, ym ki dien mih”. Ka Meghalaya Resident Safety and Security Act, 2016 ruh ka don ki jingduna ia kaba donkam ban peitbiang ban pynbeit.U MR barim ka jylla ula shu pynbiej ia u paidbah tang da ki khyrdop bad ha kane ka kynti ruh kane ka sorkar ka pyrshang ban shu khroh bad pynbiet da ki juh ki khyrdop.
Naduh ba sdang haduh Myrnta Kum ka seng ngi ieng skhem ba la donkam kyrkieh ban pyntrei kam ia ka ILP ha ka jylla. Ka jingpyntrei kam ia ka ILP kam mut ba ki khanglad ia ki nong India ban iaid ban ieng lane ban rung sha kane ka jylla hynrei ladon kam kyrkieh ban tip mano ba rung bad lano un mih naka jylla.
U Bah Pyndapborthiaw u la ong ba kim iohi ba ka sorkar kan khot ban ia syllok halor kane ka phang ban ioh ia ka jingpynshai bad jingai jingmut jong ki ba bun, hynrei la iohi ba u MR u pyrshang ban pynlong doh pynlong snam tang ia ka jingmut bad jibgangnud jong u. Hato ioh u MR u kham sngap bad burom ia ka jingai jimgmut jong ka BJP bad ka RSS naka bynta ka vote bank politic.
