Shillong, Naitung 08: Ka Chairperson jong ka National Commission for Women (NCW) ka Rekha Sharma haba kala ong ba ka jingshah lehbeain ki kynthei ha kane ka thain shatei lam mih ngi jong ka Ri India ka kham duna ban ia nujor bad kiwei ki bynta jong ka Ri India, kham tam ha ki bynta ba shatei jong ka Ri India.
Haba kren ha ki lat pathai khubor mynta ka sngi ha Shillong, la ong ba ka jingshah ban bein ki kynthei ki don, hynrei ha ki por ba la dep ki kynthei kim sngewthuh, mynta da ka jingkylla ka por kila sdang ban sngewthuh bad ka jingiohi ba ki bun kiba wan ban ujor ka dei ba kila sngewthuh ia ka hok ka jong ki.
Haba ia dei bad ka jingshah pynlehrain kawei ka kynthei ha Tura la ong ba ka NCW kala register ia kane ka jingjia bad ka jingtohkit halor kane kan dang bteng ban lap ia ka jingshisha baroh, haba ia dei bad ka jingshong marwei ki long kmie kala ong ba lada ka dei ka mon lait luid jong ki kan nym don ban ong ei ei.
Ka NCW kala juh pynlong ia ki jingpynshai paidbah ha kaba ia dei bad ka hok jong ki kynthei hynrei ka dang hap ban dang bteng shuh shuh ia kine ki jingpynshai ban sngewthuh bad ba ki kynthei kin tip ia ka hok ka jong ki katkum ki ain.
Haba ia dei bad ka jingjylli jong u drok ki paidbah ruh ki don bynta lang ban shah kynnoh ym tang ka sorkar, lada don ka jingsngewkhia ia kane ka jingjylla ki kam dih drok ha ka Ri India bad ha kane ka jylla ki paidbah ruh ki dei ban ia trei lang ym tang ban kynnoh ia ka sorkar.
Ka Chairperson jong ka NCW, kala kynnoh ruh ba ki briew tang ban ioh pisa kim salia ban die ia ki jingdih ba sniew kum u drok kaba la wanrah ia ka jingsniew ha ka imlang sah lang ban ia khun ia kane ka jingsniew ki paidbah ruh ki don ia ka bynta kaba khraw ym tang ban kynnoh ia ka sorkar, da ka jingiatreilang ka sorkar bad ki paidbah lah ban ia khun pyrshah ia kane ka jingsniew, la ong ka Rekha chairperson ka NCW.
