Maligaon, Nohprah 29: Ka Indian Railway kala don bynta ban kyntiew ia ka leit ka wan ha ka thain shatei lam mih ngi ka Ri India da kaba pyntrei ia ki skhim ban shna ia ki lynti rel da ka jingangnud ban pyniasoh ia ki nongbah jong ki jylla kane ka thian sa ki lynti rel.
Ka lynti Rel na Bhairabi sha Sairang ka dei ka lynti Rel kaba thymmai ban pynioh ia ka lynti rel sha ka jylla Mizoram ynda la lah ban pyndep ia kane ka jingtrei kane kan lam sha ka juk kaba thymmai ha ka khaii pateng ha kane ka thain shatei lam mih ngi ka Ri India ynda la dep kane ka jingtrei ka sa kyntup sa 51.38 km ka lynti rel ha kane ka thian namar ka jingtrei mynta kala dep 91%.
Ka jingshna ia kane ka lynti rel Bhairabi sha Sairang ka long kaba jynjar bha namar hap ban ksam thliew iaki lum ha bun ki jaka bad ki thiew ba hap ban ksan ia ki lum ka long haduh 12853 metter na ka 12710 metter la dep ban ksam thliew iaki lum la dep ban ksam.
Kane ka lynti rel ka don haduh 55 tylli ki jingkieng kiba heh bad 87 tylli ki jingkieng kiba kham rit, na kitei 12 tylli ki jingkieng kiba heh la dep ban shna bad kiba rit la lah ban pyndep haduh 85 tylli. Ka jingshna ia ki jingkieng kiba jrong tam eh ban sa poi sha Sairang ruh ladep, ka jingjrong u paia jong kane ka jingkieng ka long 104 metter, la tap da 42 metter ia u Quub Minar, kane ka kynthup ruh ia 7 tylli ki surok kiba hapiaid nalor bad 9 tylli ki surok ba hap iaid na poh.
Wat la ka pdeng shibun ki jingeh haba pyntrei iakane ka lynti rel bad ka daw ka long ka por trei ka long duna bha namar ka jingjrong palat ka por slap ka jinglong lum ka jaka bad ka jingrben ki khlaw, ka jingbym ioh biang por ia ki tiar ban pyndon kam ha kaba shna ia kane ka lynti rel, ka jingbym biang ki nongtrei hapoh ka jylla Mizoram hapdeng ki jingeh ka Northeast Frontier Railway kala shim baroh ki lat lynti ban pyndep ia kane ka jingtrei.
Ynda la pyndep ia kane ka lynti rel kan iarap shibun ha ka leit ka wan hapoh katei ka jylla Mizoram kan iarap ban seng iaki karkhana kiba rit, kan kyntiew ia ki kam jngoh kai pyrthei bad kaba kongsan kan long ba kin ioh ia ki marbam mardih khlem jingthud sha ka jylla Mizoram ban kit na kiwei ki bynta jong ka Ri India.
