Shillong, Jylliew 26: Ki paidbah nongbam rashon ha ka jylla kim shym la ioh ia ka shini rashon na ki dukan khaw rashon naduh u bnai Rymphang 2019 bad ka daw jong ka jingslem ban sam ia u shini rashon dei na ka daw jong ki elekshon ha ka jylla.
Haba kren ha u SP News Agency, u Bah M Lyngdoh Joint Director la iathuh ba na ka daw jong ka elekshon ym shym al lah ban khot tender ha ka por kaba biang namar ka tender kaba la khot mynshuwa kala kut noh ha u bnai Kyllalyngkot mynta u snem.
Ha dien ba ka elekshon kala kut na ka liang jong ka tnad sam bam sam dih kala dep ban khot ia ka tnder ban la dep ruh ban ai ban supply ia u Shini Rashon, la ong ba shen ki paidbah kin sa ioh ia u shini na ki dukan rashon.
La iathuh ruh ba mynta kane ka kam sam shini lyngbaki dukan rashon kala dei ka bynta jong ka sokar jylla namar ka sorkar pdeng kala pynduh noh ia ka jingiarap pisa kaba dei T.18.5 tyngka ha ki shikilo, hynrei mynta ka sorkar jylla ka hap ban beit ia ka jinglut baroh kaba shongdor T.25.27 tyngka ha ka shikilo bad ka jingdie sha ki paidbah ka long T.30 tyngka shikilo.
Katkuma ka jingdon ki kard rashon ha ka jylla, ka jingdon kam shini ka long haduh 556674 kilo ha ka shibnai bad kane ka long ban sam shi kilo kawei ka kard na ka bynta ka jylla baroh kwei. Na ka liang jong ka tnad sam sam sam dih kala dep ban pynbiang bad hapoh ki khyndait sngi ki paidbah kin sa ioh biang ia u shini rashon.
