Shillong, Naiwieng 18: U Myntri rangbah ka jylla u Conrad K Sangma mynta ka sngi la plie ia ka “4th Edition of the Shillong Literary Festival ha Nan Polok, Shillong, ha kane ka tamasa la wan ban ia shim bynta da ki nongthoh kiba paw ka ri India.
Kiba paw kiba la wan ban ia shim bynta ha pdeng ki nongthoh ka Ri India ki longh, Jackie Collins ka India, Shobhaa De bad nongthoh kot iathuh khana papaw bad Poetry Vikram Seth bala ioh ruh ia ka khusnam Padma Shri’
Haba kren ha kane ka tamsa kaba lai sngi, u myntri rangbah ka jylla la kren shai kdar ba ka jingthmu ka long ban wanrah lang ia ki nongthoh shijaka bad ban ai ia ki ka lat ban ia kynduh bad ki paidbah ka jylla, ban pynshlur ia kiba don ka sap ban thoh bad ban iathuh ia ka jingshem ka jong ki.
Kane kan long ruh ka kabu ia ki nongthoh na ka jylla Meghalaya ba kin ioh ia ka lat ban ia kynduh bad ki nongthoh kiba paw jong ka ri bad kiba na kiwei ki ri jong ka pyrthei ruh bad ha kum kane ka jingiakynduh ki ia phylliew jingmut.
Kawei pat ka phang kaba kongsan haba pynlong ia kane ka tamsa ka long ban pynshlur ia ki briew ba kin pule, la ong ba ki don ki samla pule kiba la wan ia shim bynta bad kane ka long ban pynshlur ia ki ba kin pule bad ban thoh.
Na ka liang ka sorkar ruh ka pyrshang ban weng ia ki jingeh kiba ia dei bad ka thoh ka tar bad kane ka tamsa ha ka thoh ka tar ka long kaba don kam, namar ka jylla Meghalaya ka don bun bha ki paidbah nongshong shnong kiba dang samla ban ia nujior bad kiwei ki jylla ha ka Ri India.
U Myntri Rangbah ka jylla u la pynsngew ba don kam ban don ki jingthoh ki ban pynneh pynsah ia ka spah ba kordor jong ka jylla, ha ka riti dustur, ka khana pateng bad ka kolshar jongki briew ka long kaba don kam ban buh iaki ha ka jignthoh.
Ha kane ka sngi la pynbna ruh ba ka don ka jingiarap pisa lyngba ka MS’s Scholars Program ha kaba ka sorkar ka jied 50 ngut ki nongthoh ban wad bniah, ha kaba ia dei bad ka Riti Dustur, ka imlang sah langh ha Meghalaya.
Kane ka tamsa kaba pynlong ka dei ka jingbeit pisa ha kaba ia dei bad ki briew lyngba ki lad bapher bapher khamtam na ka tand jngohkai pyrthei, la pynbna ruh ba ka sorkar kan pynlut T.4000/-klur ha kaba tei ia ki Hotel, ki Home Stay bad kiwei kiwei ha ki kam jngohkai pyrthei.
