Mawkyrwat, Rymphang 07: Ka Seng KSU Mawkyrwat Circle ka wan ban pynpaw ka jingsngewkhia kaba jur halor ka jingsahkut ka jingtei iaka Block Institute of Education bad Training Center hapoh Shnong Sakwang, South West Khasi Hills District wat hadien san snem lah sdang ban trei hynrei haduh mynta ym lah ban pyndep shu ieng tang ki païa bala sop daki sohpailen, ki nar bala sarang.
Kane ka jingsahkut ban pyndep iaka ne ka jingtei ka long ka jingduh iaki khynnah samla kiba long ki nongtbeh jingshai iaka lawei ba phyrnai lyngba ka jingbit jingbiang ka pule puthi hapoh ka district.
Ka Seng ka sngewkhia ia kane ka jingleh shilliang khmat ka sorkar iaka South West Khasi Hills District bad kumjuh ruh iaka jingbym khlem kynthup ha kane ka jingmang ka sorkar iaka jingpynkha post nonghikai. Bad kane ka pyni baka district jong ngi ka la shah iehbeiñ ne shah lehshilliang khmat khlem ioh bhah lem kum ki wei² ki college.
ka Seng ka pynpaw ka jingsngewkhia bad ka buh jingkylli, Hato ka sorkar ka la shimkhia ban pyntreikam kumno halor ki school kiba don tang kawei ka post nonghikai? hynrei ki shakri kajuh naduh Class-I haduh klas-V ki iaryngkat ki school kiba don post artylli ne lai ne saw ne San bad wat don ki school kiba don 8 post ha kawei ka school.
Bad mynta ka sorkar ka la mang kyrpang haduh 300tylli ki post iaki 9tylli ki community College hynrei iaki ne single teacher pat de phim lah ban ai additional posts sa katno? lada long ka ba lah ban phai khmat ruh iaki lower primary school, ki upper primary school bad iaki secondary school.
ka KSU ka ong, hooid ka Seng ka lah dep leit iakynduh ia i Ma Lahkmen Rymbui minister education ha u snem 2019 halor kine ki jingdonkam ka jingbit jingbiang ka pule puthi ka hapoh ka jylla baroh kawei.
ka Seng ka buh jingkylli ruh balei ia ki secondary school kiba la shakri ei daki phew snem bad kiba kyrshan ei iaki jaka bapher bapher kiba donkam bad kiba iarap iaki khynnah ban lait naki drop-out hynrei haduh mynta ka sorkar ka khlem mang posts ne Sanction posts nonghikai uwei u nonghikai kawei ka school iaki 197 tylli ki school baroh kawei ka jylla kiba Shongdor tang Rs22,000/-ha ka shibnai.
Kiba ki school kiba ladep phah jingthoh na ka bynta ka kam hikai science graduate ban sanction nonghikai science hynrei ka sorkar haduh mynta kam pat mang ei ei halor kine ki school kiba donkam haduh katta katta ban sanction posts khnang ba kin ioh khyndiat ka jingiarap iaka jingshakri ei ki school.
Ka Seng KSU Mawkyrwat Circle ka iai ban jur iaka sorkar bakan shimkhia bad lada ka sorkar ka leh mynthi kam banse ban iaid noh haki sienjam ka jingiakhih naka bynta ka jingdonkam ka district bad ka jylla baroh kawei. kane ka long katkum ka khyrwoh bala pyllait da u bah Tanlum K.kharai Education secretary ka KSU Mawkyrwat Circle.
