Shillong, Jymmang 06: Kum shibynta ban rakhe ia ka taiew pynneh mariang ka Meghalaya Basin Management Agency (MBMA) kala pynlong ia ka jingaisnam ei da ka jingiatreilang bad ka Pasture Institute kaba la pynlong mynta ka sngi. Ia kane ka jingaisnam la pynlong ha ophis jong ka ha Nongrim Hills Shillong.
Ha ka jingkren ka Dr. Myrthong kala ong ba kane ka jingaisnam ei ka long ka kam kaba bha namar shi unit ka snam ka lah ban ai jingim ia lai ngut ki briew, ia kane ka jingai snam lah ban phiah sha ki lai tylli ki bynta kata ka RBC, Platelets bad Plasma.
Ka Dr. Myrthong kala ong ba ka jylla Meghalaya ka dei ka jylla kaba duna bha ka jingwan ki briew sha khmat ban ai snam, kum kane ka jingai snam ka long shisha ka jingmyntoi kaba khraw ia ki paidbah, kane ka jingai snam ei ka long shibynta jong ka jingrakhe ia ka jingpynneh mariang.
Wei na ki nongai snam k bah Vivek Khongsti la ong ba kane ka jingai snam ka dei shibynta na ka jingialeh ban pynneh pynsah ia ka mariang bad kane ka dei ka kam kaba kraw bad u la ong ba kane kan long ka jingkyrkhu kaba khraw ia ki paidbah.
