Shillong, Nailur 17: U Myntri ba dei peit ia ka District Council Affair (DCA) u bah Hamletson Dohling u la ong ban pynjlan ne ban pynjari ia ka Administrator’s Rule hapoh jong ka Garo Hills Autonomous District Council kan shong ha ka rai jong ka kabinet.
Haba kren ha u SP News Agency u Bah Hamlet u la ong ba ka por trei kam jong ka iing dorbar jong ka GHADC kan kut ha ka 15thRisaw 2020, haba ia dei bad kane u la bthah ia ka tnad DCA ban pynkhreh ia ka jingthoh ban rah sha ka Kabinet bad ha dien ba la rah sha ka kabinet ban shim ia ka rai.
“Ngan nym lah ban ong ei ei ruh em ia mynta namar ba kane ka kam kan leit sha ka cabinet ban shim ia ka rai, ngan ong la yn pynjlan ia ka por trei kam jong ka iing dorbar jong ka GHADC ne ban pynjari ia ka Administrator’s Rule kata ka shong ha ka jingiarai lang ha ka Kabinet”, la ong u Bah Hamlet.
Haba jubab ia ki jingkylli, u Hamletson la ong ba na na ka liang jong ka tnad DCA kila pynkhreh mynta ban rah ia kane ka phang sha ka cabinet ban shim ia ka rai namar ban pynkhreh ia ka ilekshon yn nym lah shuh ban pynkhreh namar ka por treikam jong ka iing dorbar jong ka GHADC kan kut ha ka 15th Risaw 2020.
