Shillong, Nailur 28: Ka KHADC kala pynhiar na ka khet syiem la arsien ia u syiem jong ka hima Nongspung u, Pa,im Petrick Syiemiong, kaba nyngkong ha u Naitung 2019 bad kane ka sien kaba ar ka dei ha ka 10/Nailur/ 2024.
Haba kren sha ki lat pathai khubor mynta ka sngi u Pa,im Petrick Syiemiong ,la pynshai bala weng ia u na ka kam syiem ha kane ka sien kaba ar ka long na ki daw ki khlem nongrim, ki jingkynnoh baroh kidei kiba u la depban pynbeit.
U Pa,im bala shah weng na ka khet u bah Petrick Syiemiong u la kynnoh ba kane ka jingleh baroh ka dei ka jingleh kong u ba P N Syiem Deputy CEM ka KHADC ba dei peit ia ka tnad Elaka, u la ong ba u pynrem jur ia kane ka jingleh.
Na ka liang jong u Syiem ba rim ka hima Nongspung la ong ba ka KHADC ka dei ka nongda nongri ia ka riti dustur, hynrei lada u bah PN Syiem un dang don ha KHADC yn sa pynkylla khongpong lut ia baroh la kynnoh, la dawa ruh ba u dei ban weng ia u Acting Syiem ba u la thung mynta.
La ong ba hapoh ka hima Nongspung u Syiem la jied da ka kur Syiemiong bad la phah sha ki san myntri bad lyngdoh bad ki sa ai ka jingmynjur bad ki sa phah sha District Council ban ioh ia ka jingmynjur, hynrei mynta la ujor khlem nongrim la weng noh kane ka don ei ei sha lyndet. Halor kane ka jingleh jong ka KHADC la ujor sha Meghalaya High Court.
Ban pynkynmaw ba bah Petrick Syiemiong u la shah jied kum u Syiem ka hima Nongspung ha u snem 2014 u bnai Jymmang bad la ioh ia ka Sanad ha u bnai Natiung bad la shah weng na ka kam ha u snem 2019 Naitung bad la wanrah biang ia u kum u snem ha u Lber 2023 bad la weng biang ia u ha ka 10/Nailur/2024.
Ha kane ka jingpynshai halor ka jingshah weng na ka kam syiem la don lang ki nongkit kam ka hima u bah Wanboklang Rani, bah Manason Doloi bad kiwei ki riew rangbah kila don lang ha kane ka sngi ha ba kren ha ki lat pthai khubor ha Shillong Press Club.
