Shillong, Naitung 10: U bah PyniaidSingh Syiem u ba dei u CEM ka Khasi Hills Autonomous District Council (KHADC) mynta ka sngi ka 10 tarik u Naitung 2024 u la pyntip ba na ka liang ka council ka la ai por haduh ka 15 tarik ia u Syiem ka Hima Sohra ban leit shim noh ia ki Dulir bad pata khyndew ka ba la dep ban ai sha ki bar Jylla ha Majai bad ban wan pynphai noh sha ka Council ne ban pynduh pyndam noh ia ki dulir pata ha khmat ka Council.
U Bah Pyniaid u la ongruh ba lada ka Hima kam lah ban leh ia kane na ka liang ka Council kan hap ban shim noh ia kabor ha kti lajong ha ka ban leit khynra bad knieh lut ia baroh ki jaka kat kum ki record ki ba don bad ka Council.
U la ong ruh ba kat kum ka jingpynmih order ha u snem 2024 ka dei ban pyniap noh ia ka order ka ba la mih ha u snem 2020 ka ba la plie kaba la plie bad pylaid ia ka jingpyrkhieng ia ka jingbuh kyndon ia ki Hima khamtam ha ka ba ia dei bad ka Shnong Majai, ha kaba la ai ia ka NOC sha ki bar Jylla, la ai dulir kot khyndew pata ia ki bar Jylla ha Majai.
U la ongruh ba kat kum ka jingpynmih hukum jong u snem 2019 ki la don bun ki kyndon kiba la bysuh na ka bynta ka bit ka biang ha ka ban pyrkhing ia ki bar Jyll aba kin ioh longtrai ha Majai hynrei ka hukum kaba la pynmih ha u snem 2020 ka la weng noh ia ki kyndon ki ba naduh ba 3 haduh ba 11.
kumta kane ka hukum kaba la pynmih ha u 2024 ka la pynim pat ia kine ki kyndon bad ka kyndon ka ba 3 ruh ka bala don ka jingithuh ia ka raid Majai, u la ong ruh ba na ka liang ka Council ka la ioh ban ia kren bad ki khun ki hajar jong ka Hima Sohra ba ka council kam lah ban shna Raid thymmai khlem ka jingpynskhem na ka Hima.
U bah Pyniaid u la ong ruh ba ka Council kam lah ban shna ia ka Raid Thymmai khlem da don ka jingpynskhem na ka hima hynrei ha ba peit ia ka history ka jingiaid lynti ka hima Sohra ka la don ka jingpynskhem na ka laing ka Hima ia ka raid Majai kat kum ki record jong u snem 1999, 2013 Ia ka ba la pynskhem da ka Executive jong ka Hima Sohra ha ka ba iadei bad u sordar ka Raid Majai.
