Shillong, Naiwieng 09: Mynta ka sngi u Chief Executive Member jong ka KHADC u bah Pyniaid Sing Syiem haba kren ha ka jingialang bala long ha iing dorbar shnong ka Mawroh la ba kin sa ai ia ka jingiarap ia kane ka skul katba ki lah la ka bor.
U bah Pyniaid u la ong ba, haba la ioh sngew ia ka jingkren kiba la kren ha khmat khamtam na ka Principal kane ka skul ka kong H Dkhar ba ki bor shnong ha u snem 1971 kila sdang ia ka skul step ha kaba mynta la shimti da ka sorkar, ua ka skul Upper Primary la ioh ia ka jingiarap na ka sorkar.
Hynrei haba phai sha ka Mawroh Secondary School la pynshai ba ia kane ka skul la kyrshan da ka bor shnong bad na duh u snem 2012 ki samla pule kila toh iak a eksmin matrik, kaba phylla ka long ba ia ka bai skul pat la shim tang T.100/- tyngka shibnai bad ia ka jingsiew ia ki nonghikai la siew da ka shnong.
U Bah Pyniaid u la ong ba kum ki nongmih khmat ba wan na nongkyndong ki sngewthuh ia kane ka jingeh namar bun sha ki nongkyndong ki don tang ia ka LP bad UP skul bad bn pule kham sha jrong kin ioh lat ba ban ka jingduna ha ka ioh ka kot.
U CEM u la ong ba shnong Mawroh kala leh ia kaba bha tam ba ki samla kin ioh ban pule kiba dei na ka shnong bad ki shnong ba marjan, dei halor kane na ka liang jong ka District Council kin iarap ia kane ka skul katba ki leh na ka bor jong ki.
Ha kane ka sngi ka skul ban pynmih pisa na ka bynta ka skul kala pynlong ia ka tamasa die bam bad die tiar, ka Principal ha kane ka sngi kala ai ia ka dorkhas sha u CEM jong ka KHADC, la ioh ia ka jingkren na u bah Teiborlang Pathaw EM ba dei ruh u MDC kane ka jaka la don lang u bah Victor Rani, ki ophisar ka KHADC, u bah Peter Lamare rangbah shnong ba la kren pdiang burom bad ki nongkit kam shnong.