Shillong, Jylliew 27: U bah paul Lyngdoh EM ba dei tei ia ka Twon Committee haba jubab ia ka jingkylli jong u Bah Lamphrang Blah nongialam ka liang pyrshah ha kaba ia dei bad ka ain shna iing, u Bah Paul u la ong ba ka ain shna iing jong ka sorkar ka trai ha ki katto katne ki bynta.
Haba jubab ia ki jingkylli bynrap, u Bah paul u la ong ba ka ain shna iing jong ka sorkar jylla ka trei kam ha baroh kawei ka jylla, kane ka long katkum ka jingpynbna jong ka sorkar ha ka 01th Lber 2015 ba ka ain shna iing ka dei jong ka sorkar jylla bad ki District Council kin long ki pyntrei kam.
U bah paul u la batai ba dei ha ka 26/10/2015 ba ka sorkar kala wanrah ia ka jingpynkylla bad lyngba kane ka jingpynkylla ba ki ain shan iing jong ka sorkar ka long tang hapoh jong ka Shillong Agglomeration bad ia ki bynta kiba shah bar jong ka, ka KHADC ka hap ban shna ia ki ain shna iing.
U bah paul u la ong ba ka District Council kan sa shna ia ka “ Kynhun Treikam” ka ban peit ia kane ka kam shna iing bad kan ia leh katba lah ban pyndep noh kloi. Ia mynta ki briew kiba hap hapoh ki jaka jong ka District kibyndei hapoh Municipal ki lah ban shna ia ka jingbit ban shna iing na MUDA lane na KHADC.
Kiba hap sha bar jong ka Municipal lane sha bar jong ka Shillong Agglomeration ka ain shna iing kam pat trei kam ia mynta dei na kane ka daw ba ka KHADC kan hap ban leh kloi ia kane ka kam ban shna ia ki kyndon shna iing bad ha ia kynhun trei kam hapoh jong ka KHADC.
U Bah Martle N Mukhin Em ba dei peit ia ka tnad pule haba jubab ia ka jingkylli jong u bah Balajied Ranee u la ong ba ia mynta kam don ka jingmang pisa ia ka tnad pule hapoh jong ka KHADC, hynrei u la kular ba ka EC kan sa wat ki lad ki lynti kumno ban iarap ia ki skul la ong ba ha u snem bala dep kila ioh ia ki aplikoshon haduh 63 tylli na ka bynta ki skul.
U bah paul Lyngdoh haba jubab ia ka jinylli jong u Bah Balajied Ranne ha kaba ia dei bad ki Town Committee, u Bah paul u la ong ba kumba ka long haduh mynta ka tnad Town Committee kam shym la trei kam bha, ka daw ka long ba ki briew ki pyrshah ia ka jingshim khajna dei na kane ka daw ba ki dkhot jong ki Twon Committee haduh mynta ki dang long beit shipor.
