Shillong, Iaiong 08: Kat kum ka Riti dustur jong kaba la iada da ka Riti Synshar ka Ri India lyngba ka Article 13 , Article 277, Article 372 bad ka Sixth Schedule, ka khyndew ha ka Bri u Hynniewtrep ka dei Jong ki Riew shimet, Ri kynti lane Jong ki kur, ki Shnong , ki Raid bad ki hima.
Ym don khyndew Sorkar ha ka Bri u Hynniewtrep lait noh kito kiba ki la da thied bad siew da ka dor ne kiba Ki trai khyndew ki la shu ai sngewbha . Kat kum ka kyndon kaba 41 Jong ka Right to Fair Compensation and Transparency in Land Acquisition, Rehabilitation and Resettlement Act, 2013.
Ka Sorkar haba shim khyndew ha ki jaka jong ki riewlum jong ka Meghalaya ki hap pan jingbit na ki trai jaka bad ka District Council bad ka District Council ha shwa ba Kan ai ka hap pan jingbit na ki hima, ki raid bad ki shnong.
Ka Sorkar Meghalaya kat kum ka Ain ka hap pan jingbit na ki trai khyndew, na ki Dorbar Trai Ri bad ka District Council haba ka shim khyndew ha ki tribal area . Hato kane ka sorkar ka lah mo ban ai kumba 18.46 Sq Km ka khyndew Sha ka Assam khlem ka jingbit ki trai khyndew, ki Dorbar Trai Ri bad ki District Council.
Ka HYC ka pynpaw ba ka Jing soi MoU bad Settlement Agreement hapdeng ka sorkar Meghalaya bad ka Assam khlem ka jingbit ki trai khyndew , ki Shnong , ki Raid, ki Hima bad ki District Council ka long kaba beain bad ka long ruh pyrshah ia ka Riti dustur u Khun Hynniewtrep. Kane ka Kam beain bad beiriti ka Sorkar Meghalaya ka la ktah Shi kadei eh ia ka khyndew ka shyiap bad da lei lei ym lah ban pdiang ia ka.
Ki Hima khasi haba ki snoh bad ka Ri India Da kaba ki soi ia ka IOA& AA, la kular ia ki ba ia ka khyndew ka shyiap Jong kine ki hima yn iada ha ka constitution. Ka paragraph 20 Jong ka sixth schedule ka la ai kata ka Jing iada . Hato mynta kane ka jingleh ka sorkar Meghalaya ban soi MoU bad Agreement ka long pyrshah ia ka IOA & AA bad ia ka sixth schedule.
Ka Seng ka lyngngoh ruh ban iohi ha ki khubor ba ki party ba don lang ha kane ka sorkar kum ka BJP , UDP, PDF bad HSPDP ki kren pyrshah ia kane ka MoU bad ki ong ruh ba dei ban pynbeit biang sa shisien ia kane ka.
Ka Jingkylli kaba mih mynta ka long hato ia ka MoU bad ka Agreement la soi khlem ka jingmynjur lang kine ki party ba don lang ha ka sorkar, ne kine ki party ki sa babe hadien ba lap ba ka MoU ka long kaba dkhoh bad kaba bakla ne ki shu Leh mynleh tang ban pynbiej pynthame ia u paidbah.
Ka HYC, sa shisien pat ka pynpaw ba ki don ha ryngkat ki shnong , ki Raid bad ki hima halor kane ka Jing ia pynbeit pud bad ngi dawa ba ka sorkar Meghalaya mynta ka hap shim jingkit khlieh bad khmih bniah bad pynbeit bha Sha shisien halor kane ka MoU bad ka settled Agreement. La ong u bah Roykupar Synrem General Secretary ka HYC seng kmie.
