Shillong, Risaw 24: Mynta ka sngi u myntri rangbah ka jylla Meghalaya u Conrad K Sangma u la pynlait paidbah ia ka kot kaba la ai kyrteng “Values Must Come Alive” ia kaba la thoh da u Rev Bishop Thomas Menaparampil jong ka Guwahati ha Cathedral Hall Parish Laitumkhrah.
Haba kren kum u kongsan ha kane ka jingpynlait pidbah ia kane ka kot u myntri rangbah ka jylla u la ong ba kane ka kot ka ia hap dur bha bad kane ka juk kaba mynta namar ka jingniewkor ia kiei kiei kila sdang jah kyndong.
Kane ka kot ka don khathyriew tylli ki lynnong bad kane ka kot kumba la pynsngew da u Pro David Syiemlieh ka kren ia kiba bun bha ki bynta ha ka long briew man briew, ka jigniadei para briew bad kum juh ha ka synshar khaddar ruh kum juh.
U Myntr Rangbah ka jylla u la ong ba kane ka kot kan pynmyntoi shibun wat ia ki riew kiba don ha ka sain pyrthei, la ong ba u Rev Bishop Thomas u dei shisha u riew khraw kane ka thain shatei lam mih ngi jong ka Ri India, ki riew khraw kim mut tang kiba don ha ka sain pyrthei.
Kiwei kiba la kren ha kane ka sngi ki long u Pro David Syiemlieh bala kren halor ka kot, u Rev Bishop Victor Lyngdoh, ia ka jingduwai shuwa ban sdang ia ka jingialang la leh da u Rev C Khognwir pastor na ka balang Presbyterian. La don ki jingrwai ruh na ka KJP Synod Sepngi, ki khynnah skul St Mary’s bad na ki Sister na Auxilium School Shillong.
