Shillong, Jylliew 11: Khasi Students Union (KSU) West Khasi Hills District Unit bad South West Khasi Hills District Unit ,ka pynpaw iaka jingbym lah pdiang iaka jingkhynthoh bad ka jingniew bein jong ka kong Patricia Mukhim ia ki para ri kiba hap poh u pud u sam jong ka west khasi hills district hi baroh kawei.
Kane ka pyni ia ka bym burom ban ka jingkhein bein bad ka jing wanrah iaka jing pyniapher thain hapdeng jong ngi kum ka jaitbynriew hi baroh kawei bad kum kine ki jait jingkynthoh kum ka seng kan nym lah ban pdiang ban kubur lano lano tuh.
Hooid ka don ka mon ba laitluid ban kren ban pynpaw iala ki jing sngew,kat kum ka kot riti trei kam jong ka Ri india hynrei ban shu pyndon kam palat pud iakata ka jingioh lad ban kren ka dei shi bynta ka jingiuhroit ban ka jingbym khein briew satia iala ki para ri jong ka thain namar Ki nong West Khasi Hills District kim dei ki briew ba dang biej dang sahdien Kat haduh ba kin shah thied Pisa ban pynkulmar hangno hangno ne ha Shillong.
Ha shwa ba in kynthoh ba ki briew ba na West Khasi Hills District ki dei ba dang biej ne sahdien kala dei ban peit ba Kumno ki briew ka thain kumba long mynta Ki la long kiba lah nang kiew ha baroh ki liang, haka ioh la kot, haka pule puthi bad ki ngeit kiba bun ki tip ba Kumno ki paitbah ka thain ki la kyntiew iaka jylla ha kiba bun ki liang naduh haki khajna, haka sports bad kiwei kiwei.
Ka seng ka julap bad shem ba lah don ki khep wat ki kyrwoh ba phah na ka seng la ialeh ban pynkylla ia kaei kaba khlem kren ruh, hynrei iakaba kren khlem thoh ia ka bym kren lah thoh, kane ka ialam bakla ha kiba bun ki liang kham tam ia ki paitbah kiba pule.
Kaei kaba jia ha ki kyndiat sngi ba lah dep ha them metor ruh lah iohi ia ka jing thoh ne ka jing batai kaba bakla halor kato ka jing jia kaba lah pynlong ban ialam bakla wat ia ki lad phathai khubor kiba na nabar ka jylla bad ka lah wan rah ia ki kynrum kynram ha kiba bun ki bynta. Kum kine ki jing jia kiba lah jia ngin nym lah ban pdiang namar ki ialam bakla ia ka jingmut jingpyrkhat jong kiba bun ba lang wat ia ki bym dei ki trai ri ki trai muluk.
Ka seng ka dap da ka jing sngewkhia,namar ki nang khmih lynti bad shaniah ba ki lad pathai khubor kin batai iaka ba dei khlem da iashah liang,hynrei kaei ba ki shem bad lap ba u kot khubor “Shillong Times” bun sien ka paw ka jing shah liang bad nion ia ka jaitbynriew ha kiba bun ki mot. Hooid ym lah khang ia ka jing kynthoh (critic) hynrei ban noh shiliang haka jing kynthoh ka long kaei kaei ka bym dei satia.Ka seng ka sngew ban ia wer ia la ki para ri ban pyrkhat bha ban thew ban woh ban bishar bniah namar ka ktah ia ka jinglong jong ka jaidbynriew.
Ka por ka ladei iaki paitbah ka Jaitbynriew khamtam Ha West Khasi Hills District bad South West Khasi Hills District ruh kajuh ban sangeh ban pule ia u kot khubor “Shillong Times” tad haduh ba kane ka kotkhubor bad ka Editor kan da pynbeit bad sngewthuh ia la ki jing bakla, la ong u Bah John Fischer Nongsiang, President, KSU West Khasi Hills District Unit ha ka kyrwoh kaba la phah mynta ka sngi.
