Shillong, Nailur 22: Hadien ka jingmih Khubor halor ka jingbthei jongki tanks ba buh jakhlia uranium ha Nongbah Jynrin na ka liang jong ka KSU South West Khasi Hills District mynta ka sngi hapoh ka jingialam u samla Jiedskhem Nongsiej, General Secretary KSU South West Khasi Hills District ka la Leit ban jurip mynta ka sngi 22/09/2020.
Ha ka jingleit jurip jong ka seng hapdeng u slap uba jur ngi la lap ba ka jingpait jongki jaka buh uranium haki 4 tylli Ki tanks ki la kham jur mynta ban ia ki por ba mynshwa namar kum ka seng ngi ju poi man ka por sha kito ki jaka bad ki ithuh ruh iaka jingiapher ia kaba mynshwa bad mynta.
Naka liang ki dkhot ka seng kila poi tang haki 4 tylli ki jaka buh jakhlia uranium bad ki don ki jaka ba kim shym la lah ban poi na ka daw ka jingheh um bad pynthud jong u slap. Watla katta na ka liang ka seng kan sa leit Biang Kat haduh ban lap iaki jingshisha baroh.
Ka jingheh jongka jingpait jongki jakhlia ba buh uranium ka pyni ba ki thliew Ki la Kham Heh bad ngim lah ban tip ioh lehse Ki jingbthei Ki mih na kine ki thliew ba ki dkhot ka seng ki la lap Mynne.
Ka seng haka jingshisha naka por sha ka por ngi la ju Kren sha ka Sorkar halor ka jingpei thliew bad orpait jong kine ki tanks buh jakhlia uranium hynrei kaba sngewsih ka long ba na ka liang ki bor sorkar Kim shym la shimkhia bad kane ka lah ban buh jingma ia katei ka thain bad ka District hi baroh kawei kawei.
Shuh Shuh na ka liang ka seng ia mynta ngim pat lah ban shaniah iaka jingkam da Ki bor sorkar ba ka jingbthei ka dei tang ka Khubor hamsaia namar ka dang kloi palat ban Kren mynta bad ngim tharai ba kin lah ban pyndep iaka enquiry tang shisngi khamtam hapdeng ka jingpynthud jongka suin bneng.
Ka seng ka dawa namar kata ba ki bor sorkar Ki dei ban shimkhia ban wad bniah bad ban leheiei ruh Kham kloi khnang ba kan nym wanrah jingma iaki paitbah jongka thain bad ka District.
Na ka liang ka seng ruh ngin dang iai bteng ban wad bniah khnang ban lap iaki jingshisha baroh bad kin nym shongthait hi ruh ban tih naduh Tynrai halor kine kiei kiei. La ong u samla Forwardman Nongrem, President KSU South West Khasi Hills District.
