Shillong, Naiwieng 06: Mynta ka sngi na ka liang jong ka KSU Laitumkhrah kala pynbna ban pynlong biang ia ka fight night ia kaba la jer kyrteng “Maitshaphrang Fight Night Season-II” ha kaba ki khun samla kin ioh ia la sap ban pyni ha kaba ia dei bad ka jingiakura,kane ka long na ka bynta ki shynrang bad kynthei.
Haba kren ha ki lat pathai khubor ha Shillong Press Club u samla Sam Lyngdoh Presidenty. Kane ka long ba ki paidbah kin ioh ban sakhi da la ki jngki khmat ha ka ki khun samla shynrang badkynthei kin ia shim bynta ha kane ka lympung, na ka liang jong ka KSU kala pynkhreh hala ka bor ban pynlong ia kane ka lympung kaba jop.
Ka jingpynlong ia kum kine ki jingialehkai ka long ba ka seng ka pynremjur ia ka jingdih ba siew kum u drok kaba ktah ia ki samla shynrang bad kynthei ha ka jingiaid lynti jong ki , la kyntu ia ki khun samla ban wan sha khmat ban ia shim bynta.
La ong ba ka long kaba sngewsih ban ioh ba bun ki samla jong ki ki ngop ha u drok bad kumba ka long ha kane kajylla kala jyllei bad kane ka pynlong ba kimlah ban iaid ha ka lynti kaba beit, kumta don kam ia ka met kaba koit ba khiah bad kumjuh ruh ia ka jabieng ka koit kaba khiah.
La iathuh ba ha kane ka jingiakura kin don haduh 30 ngut ki nongiashim bynta, ki don kiba na sor Shillong bad kum juh na bar sor Shillong, la ong ba kin don ki briew kiba paw nam kiba la juhia khun ia kane ka jingialehkai.
Kane ka jingialehkai kan long ha madan St. Anthony’s Skul ha Laitumkhreh bad ka por kan sdang por 3.00 baje noh phai sngi, la ong ba kan nym don ka bai rung la khot ia wer ia baroh ba kin wan ia sakhi lang.
