Shillong, Rymphang 01: Ka seng FKJGP mynta ka sngi kala leit ban ia kynduh ia u myntri ba dei peit ia ki kam pynroi sor u bah Sniawbhalang Dhar ban kyntu ia ka sorkar ba dei peit ban pyntrei kam noh ia ki kor ki bor kiba la shna ha Marten ban pynjah ia kane ka jingsnam.
Haba kren ha ki lat pathai khubor ha dien ka jingiakynduh ia u myntri, u bah D Khognsit general secretary jong ka seng, u la ong ba na ka liang jong ka u myntri ym shym la ai kano kano kano ka jingkukar tangba u myntri u la ong ba kin sa leh ei ei noh mynta u bnai ha kaba ia dei bad ka marten.
U bah Khongsit u la ong ba ka jingbym treh ban ai jaka ki paidbah ban buh ia ka marten namar ki ioh ia ka jingsnma kaba don ha Mawlai, lada ka sorkar ka lah ban pynjah ia ka jingsma ki paidbah kin pdiang sngewbha lada ka sorkar ka pan jaka.
Na ka liang jong ka seng FKJGP kala ong ruh ba ka sorkar kam dei ban peit tang ia ka Marten kaba don ha Mawlai hynrei ka dei ban peit ruh ia baroh ki District ha ka jylla ban peit lypa ban don ia ka jaka bret niut namar ki paidbah kila dang bun katba dang mih ki snem.
Ha kane ka jingiakren na ka liang jong u myntri u la shah skhor ia ka jingiakren, na ka liang jong ka sorkar kim kwah ban long ki dieng pynkiang ha ka roi ka par, hynrei lada ka sorkar pat kam sngap kin leh kumno namar ki jaka the nuit kila dei ki jaka ai kam bad ki jaka kamai ruh na kine ki jaka theh niut.
