Shillong, Lber 16: U Myntri ba dei peit ia ka tnad bording u James K Sangma haba jubab ia ka jingkylli bala wanrah da u Zenith M Sangma MLA ha kaba ia dei bad ka jingshim ram jong ka MeECL bad ka MePDCL, la ong ba ka ram kaba la shim ka dei na ka Rural Electrification Corporation Ltd bad na ka Power Finance Corporation Ltd bad kane ka ram ka dei kaba la tip kum ka Atmanirbhar Bharat Abhiyan.
U Myntri kam bor ding u la iathuh ba ka ram kaba la shim na ka REC Ltd ka long T.672.86 klur bad na ka PFC Ltd ka long 672.86 klur baroh ka long T.1345.72 klur kane ka dei ka ram kaba la shim da ka MeECL bad ka MePDCL.
Ka ram kaba la dep shim da ka MeECL bad ka MePDCL na ka REC Ltd ka long T.193.43 klur bad na ka PFC Ltd ka long T.193.43 klur baroh ka long T.38.86 klur bad ka sut jong kane ka ran ka long T.9.50 % bad tang ka sut ka dei ban siew sha kitei ki ar tylli kompeni bala bei ia ka pisa ka long T.3.06 klur ha ka shi bnai.
Haba juba ia ki jingkylli bynrap na ka liang jong u myntri u la iathuh ba ka MeECL ka hap ban siew haduh T.10.65 klur tang ia ka sut ha ka shibnai bad nalor kane ka MeEDCL ka don ruh ia kiwei ki jingsiew, u la myntri u la ong bala shim ia kane ka ram ban pyniaid MeECL bad lada ym shim ram ka MeECL kan bteng ia kane ka jingkit ram.
Kumba ka long kane ka jingeh kaba la don ha ka MeECL kam dei shuh kaba dang thymmai hynrei ka dei kaba la rim bha bad ka sorkar ka dang ia leh ban pynlait ia ka MeECL na ka jingeh da kaba shim ia bun ki lat ki lynti namar kum ba ka long mynta ka MeECL kalam sha ka ban kylla “Non Performing Asset”.
Ka jingktah ia ka MeECL ka long ruh ba ka sorkar congress mynshuwa kam shym la iarap ia ka corporation ban pynsiew ia ka “Terminal benefit” kaba la kot sha ka T.844 klur bad ka MeECL kala hap ban sie wia kane ka pisa sha ki nongtrei kane ruh ka dei kawei na ki daw jong ka jingeh.
Haba ia dei bad ka ram kaba ka MeECL kan hap ban siew na ka Atmanirbhar Bharat Abhiyan kan long ha dien lai snem kin hap ban sdang ban siew ia ka ram sha kitei ki kompeni kane ka long ka jingiarap ia ka MeECL.
