Shillong, Nailur 03: U Lat ka jylla u Chandrashekhar H. Vijayashankar mynta ka sngi u la ong ba ka jylla Meghalaya ka dang duna shibun ha ka pule puthi ban ai ka jinghikai kaba biang ia ki khunsla kane ka long kaba don kam ba kin ioh ia ki jingpule kiba biang.
U la kyntu ba ha kane ka bynta hap ban pyrkhat khia bha, la ong ba ha ka liang ka pule puthi shim kano kano ka lat ka lynti u Lat u la ong ba yn don ryngkat, la ong ba u myntri rangbah ka jylla u Conrad K Sangma u long u briew ba biang, u la ia ithuh kane ka iing jong ki la kumba 26 snem ei ei namar u kpa de u Speaker ka Lok Sabha.
Haba ka phang ban ia kren ia ka pule puhti khamtam na ka bynta ki khynnad bad ia ki pateng ban sa wan ki don ban duh leit skul, ym dei ban leh klet ia kata ka hok kaba ki dei ban ioh dei ban ai sumar bha ia kine ki pateng kiba dang rit ia ia ki ka jinghikai kaba biang bad pynnang pynstad ha ka rukom kaba dei.
Kawei pat ka bynta kaba u Lat ka jylla u la ban jur ka long ba dei ban pynkhlain ia ki karkhana kiba la ban pynmih ia ki tiar kiba dei na ki marrep kiba lah ban shnong ha ki iing ki sem, wat pyrkhat ban wanrah na shabar ia ki tiar ki tar, u la long ba dei u myntri ba dei peit ia ki karkhana rit.
U lat u la ong ba ki don ki kynhun ia treilang pynlong ia jingai jinghikai bad u la kular ban wanrah ia ki nongkren lada lah ban pynlong ia kane ka jinghikai ban kyntiew ia ki karkhana kiba rit ha ki shnong ki thaw namar kine ki ai kam ia jam na ka liang jong u Lat la ong ba kaei kaba ka Raj Bhavan ka lah ban iarap kloi ban ia donlang.
