Shillong, Naitung 26: Ia ka “Kargil Vijay Diwas” la rakhe mynta ka sngi ha St, Anthony’s College Shillong ia kaba la pynbeit da ka National Cadets Corp (NCC) bad ha kane ka sngi la pynlong ia ka jingkynmaw burom kaba kyrpang ia ki riew shlur kiba la aiti ia ka jingim namar ka Ri.
Ka jingkynmaw burom kaba kyrpang ha kane ka sngi ka long u Captain Clifford Nongum bam kwai ha dwar u Blei, ia u Major David Manlun bad ia u Raymond Diengdoh (MPS) kine ki lai ngut ki riew shlur kiba la pha ia la ka jingim namar ka Ri ia kaba ka St Anthony’s College kala sei.
Ha ka jingkren jong u Brigadier P M Bali, ba dei peit ia ka NCC ha kane ka thain shatei lam mih ngi jong ka Ri India, u la ong ba ka mynsiem ieit Ri ka dei ban don lem kumta yn jah klep na kane ka sla pyrthei. U la ong ba ia ki riew khraw dei ban kynmaw burom bad ka Mynsiem ieit ri ka dei ban rung.
Kum ka Ri dei ban pyndon burom ia ki riew khlaw bad ki riew shlur kiba la pha ia la ka jong ka jingim namar ka Ri. Ha kane ka sngi u la iathuh ba u Captain Nongrum ha ka jingiakhun pyrshah ia ki nongshong ban ai mynsiem ia ki para shipai, u la law ia ki juti ban kiew da ka kjat ha ki syntai lum Batalik bad u la ioh ban pyndem ia ki nongshun bad dei ha kane ka por ba u la pha ia la ka jingim namar ka Ri.
Kiwei kiba la kren ha kane ka jingkynmaw burom ia kine riew khraw ki long u Prof Manas Das Gupta, u Brigadier William Sturgeon ba la shongthiat na ka kam, kala don ruh ia ka jingialehkai drama da ki Dkhot jong ka NCC ba kumno ban ieit ia la ka jong ka Ri ban iada na ki nongshun ha ka jingiadon lang baroh ki samla pule jong katei ka College.
