Shillong, Lber 09: Ka kynhun ïalehkai bol ka North East United FC ka la pynliem ia ka East Bengal FC da 4-0 ha ka jingïakhun ha Jawaharlal Nehru Stadium, Shillong, ha ka lympung Indian Super League (ISL) 2024-25 mynta ka miet.
Kane ka jingjop ka NorthEast United FC ka long ka sien kaba 10 ha kane ka samoi, kaba la pyndep ia ka 24 sien ïakhun bad ka la kamai 38 point ha ka kynhun shuwa ban leit sha ki playoff.
Ka NorthEast United FC ka la ïohlad ban jubab ha ka minit ba 32 lyngba u Alaaeddine Ajaraie, uba la phah ka bol sha u Nestor Albiach, hynrei ka bol ka la ïaid shapoh ki kti jong u Debjit Majumder, u nongap kol ka East Bengal FC.
Ha ka kylla miet, ka kynhun ka la khlain bor bad ïoh thep ar kol ha ka shuwa ban poi ka minit ba 70. Ha ka minit ba 59, u Tondonba Singh u la phah ka bol shapoh ka box bad u Nestor Albiach u la ioh ban thep kol.
Hadien kata, ha ka minit ba 66, ka North East United FC ka la ïoh ar kol lyngba u Ajaraie, uba la ring ia ka bol sha kol. Kaa jingshim bynta jong u Ajaraie ka la dang long kaba itynnad, haba u la ïoh penalty ha ka minit ba 79, u Das u la ïoh takma ïong ha ka minit ba 84, kaba la pynduh bor ia ka East Bengal FC.
Ka NorthEast United FC kam shym la sangeh ban pyrshang ban thep sa kiwei ki kol. Ha ka minit ba 86, u Mohammed Ali Bemammer u la ïoh kabu ban thep ia ka kol kaba saw kaba la poi syndon ha ka por ba kut ia ka jingïakhun da ka jingjop ka NorthEast United FC. Ka NorthEast United FC kan leit sha ki playoff, katba ka team ISL jong ka East Bengal FC ka la kut noh da kane ka jingïalehkai.
