New Delhi, Risaw 04: Ka Sorkar India mynta ka sngi ka la ai jingtip shaphang ka jingsdangia ka National Turmeric Board. Ka National Turmeric Board kan phaikhmat halor ka jingkyntiew ia u shynrai bad ki tiar ba shna na u shynrai ha ka ri.
Ka National Turmeric Board kan ialam lynti ha ki kam ba iadei bad u shynrai, ban kyntiew ia ki sienjam, bad iarap ia ki kam ba iadei bad ka Spices Board bad kiwei kiwei ki kynhun Sorkar ha ka jingkyntiew ia ki kam ba iadei bad u shynrai.
Ka don ka lad kaba heh bad ka jingphaikhmat na kylleng ka pyrthei halor ka koit ka khiah bad ki jingmyntoi ha ka koit ka khiah na u shynrai, ha kaba ka Board kan pyndonkam ban kyntiew shuh shuh ka jingai jinghikai bad ka jingpyndonkam ia u shynrai.
Kan plié lad sha ki iew thymmai shabar ri ban kyntiew ia ki kam shalan, kam wad bniah bad shna ia ki mar ba thymmai, bad kyntiew ia ka jingtip tynrai jong ngi na ka bynta ka jingioh shuh shuh ki jingmyntoi lyngba ka jingpynbha shuh shuh ia ki tiar ba shna na u shynrai.
Kan phaikhmat kyrpang ruh halor ka jingpyntbit ia ki sap treikam jong ki briew kiba thung ia u shynrai na ka bynta ka jingioh jingmyntoi shuh shuh. Ka Board kan kyntiew ruh ia ki kyndon kiba iadei bad ka jingbha bad ka jingshngain bad ka jingbud ia kum kine ki kyndon. Ka Board kan shim ruh ia ki sienjam ban iada bad pyndonkam ia ki lad kiba u shynrai u ai na ka bynta ki briew jong ka pyrthei.
Ki kam jong ka Board kin nohsynniang sha ka bha ka miat bad ka jingkiew shaphrang jong ki briew kiba thung ia u shynrai lyngba ka jingphaikhmat jong ki bad ka jingaiti sha ka kam bad ka jingpynbha shuh shuh ia ki kam hajan ki jaka rep, ka ban pyniohnong ia ki nongrep.
Ki kam jong ka Board ha ka jingwad bniah, ka jingkyntiew ia ki iew, ka jingkyntiew ka jingpyndonkam ia u shynrai, bad ka jingpynbha shuh shuh ia ki tiar kan pynthikna ba ki nongrep jong ngi bad ki nongshna tiar na u shynrai ki bteng ban long kiba halor tam ha ki iew shabar ri kum ki nongshalan ia u shynraiuba bha bad ki mar ba shna na u shynrai.
Ka Board kan don ia u Chairperson ban thung da ka Sorkar Pdeng, ki dkhot na ka Tnat AYUSH, ki Tnat Pharmaceuticals, Agriculture & Farmers Welfare, Commerce & Industry jong ka Sorkar Pdeng, ki nongmihkhmat na ka Sorkar Jylla na lai tylli ki jylla (ha ka jingbujlipali), ka jingjied ia ki kynhun na ka ri/ jylla ba don bynta ha ka jingwad bniah, ki dkhot na ki nongrepshynrai bad ki nongshalan, bad u Secretary ban thung da ka Tnat Commerce.
Ka India kadei ka ri kaba bun tam ka jingpynmih, jingpyndonkam bad jingshalan ia u shynrai ha kylleng ka pyrthei. Ha u snem 2022-23, ka jaka kaba 3.24 lak ha kadei kaba pyndonkam ban thung shynrai ha India bad ka jingpynmihia u shynrai kalong 11.61 lak ton (palat 75% ka jingpynmihshynrai ha kylleng ka pyrthei). Palat 30 jait ki shynrai la thung ha India bad ia u shynrai la thung ha palat 20 tylli ki jylla ha ka ri. Ki jylla ba heh tam ka jingpynmih ia u shynraikilongka Maharashtra, Telangana, Karnataka bad Tamil Nadu.
Ka India ka don ka bynta kaba palat 62% ha ka khaii pateng ia u shynrai ha kylleng ka pyrthei. Ha u snem 2022-23, 1.534 lak ton u shynrai bad ki mar na u shynrai ba shongdor 207.45 million USD la shalan da palat 380 ngut ki nongshalanshynrai. Ki ri kiba ka India ka shalan bun tam u shynraikilong ka Bangladesh, UAE, USA bad Malaysia. Da ka jingphaikhmatia ki kam jong ka Board, la antad ba ka jingshalan ia u shynrai kan kot USD 1 Billion shuwa u snem 2030.
