Shillong, Naitung 03: Ka Khun Hynniewtrep National Awakening Movement (KHNAM) kala kynnoh ba ka ka sorkar Jylla lyngba ka Tnad District Council Affairs kala tuklar ia ka bor bad ka iktiar laidluid jong ki Autonomous District Council ka ba kynthup ruh ia ka Khasi Hills Autonomous District Council (KHADC) ha ka ba ia dei bad ki kyndon jong ka Trading by Non Tribal Act 1954.
Haba kren ha ki lat pathai khubor u Working President jong ka KHANM u bah Thomas Passah u la ong ba na ka liang ka KHNAM kan sa thoh sha ka KHADC ba ka dei ban shim khia mardor halor ka jingtuklar jong ka Tnad District Council Affairs ha ka shithi ia ka ba la mih ha ka 24 tarik u June 2015.
U bah Thomas u la ong ba ka tnad DCA kala phah sha baroh ki tnad treikam jong ka Sorkar Jylla bad Soekar Pdeng ka ba ong ba la da ki nong thep tender ia kano kano ka kam ym don kam satia ia ka Trading License jong ki District Council.
U bah Thomas u la ong ruh ba ka jingpynmih ia kane ka jingpynbna ka long kum ba plie lad ia kiwei pat ki jaidbynriew ki bymdei ki trai Jylla ba kin ioh ia ki kam contract ha ki office treikam jong ka Sorkar Jylla bad kumjuh ruh ha ki office ka sorkar Pdeng.
U bah Passah u la ong ruh ba na ka liang ka KHNAM ka pynrem jur ia kane ka jingleh jong ka Sorkar bad kumjuh ruh ia ka KHADC ba ka dei ban kren eiei halor kane ka bynta.
U la ong ruh ba na duh u Snem 2015 bad tad haduh kine ki sngi ba mynta na ka liang ka KHADC ka sngap jar halor kane ka bynta ha ka ba khlem da kynnoh iano iano ki ba ia lam ia ka EC ha KHADC ha ka ba ka jingailad jong ka District Council ia ka Sorkar Jylla ban pynmih kum kine ki hukum kan pyntron ia ka jingtri kam ki District Council ha ka Jylla.
U bah Passah u la ong ruh b akum kine ki shithi ki ba ka DCA ka pynmih kim lah ban long halor ia ki ain ki ba la donlupa ha poh ki District Council, kumta u la buh ka jingkyrpad ia ka tnad DCA ba ka dei ban cancelled mardor ia kum kine ki shithi khnag ba ki District Council kin lah ban iada ia ka khaii pateng ha poh kane ka Jylla.
