Shillong, Naitung 24: Ka Meghalaya power Lifting Association (MPA) ka la wan shakhmat ban pynbna ba kan ioh ban pynlong ia ka iakop rahnar khia ne ka power lifting competition ia ka ba ki la buh ban pynlong ha ka 7 tarik u Nailur 2024 ha Savio Hall ka ba don ha Laitumkhrah Shillong.
Haka jingiakren bad ki nongthoh khubor mynta ka 24 tarik u Naitung 2024 na ka liang u bah Rocky Diengdoh u ba dei u president jong ka MPA u la ong ba ka thong ba hakhmat jongki ka long ban pynlait ia ki khun samla na ki jingdih ba pynbuaid ne ban ym ngop ha ki.
U la ong ruh ba ym tang ban pynlait ia ki khun samla na ki jingdih pynbuaid ki ba sniew hynrei ka thong ka ba ka synjuk ka don ka long ruh ba kan ioh ban ia lam bad nytien lynti ia ki khunsamla ki bat bit bad kynsai ba kin ioh ban mih khmat ia ka Jylla wat sha duh ki rynsaniakhun ki ban long Shabar.
U bah Diengdoh u la ong ruh ba na ka liang ka Association ka la buh ia ka jingkyrpad ia ki samla ki ba don jingthmu ba wan ban ia shim bynta ki dei ban wanrah ia ki kot jingpynshisha kum ka epic, ha kaba kan long kum ka jingpynshisha ba ki ban wan ban ia shimbynta ki dei ki khynnah na ka jylla.
U la ong ruh ba kumba ngitip ba ha ka Jylla ka long ka ba eh ia ki samla ba kin ioh ban pyntbit ialade tang ha ki Gym ki ba rit wat hapdeng ka jingduna ki tiar ki tar ki ba ki lah ban lehkai hynrei ki khynnah ki ba wannabr kiba biang ki tiar kitar.
U bah Franky Nongrum secretary u la ban jur ruh ba ki khynnah ki ban wan ban ia shimbynta ha kane ka lympung ki dei ban wanrah ia ki epic jong ki khynang bay n lah ban kham ai lad ia ki. U la ong ruh ba kane ka competition kam da mutthan tang na ka bynta ki samla hynrei ki ba la kham heh khamsin ruh ki lah ban ia shimbynta ha kane ka competition.