New Delhi, Naitung 30: Mynta ka sngi la pynmih ia ka thup kyrteng jong ka NRC ha ka jylla Assam. Nga kwah ban pynpaw ba kane kadei tang ka draft bad ym ka NRC ba khatduh.
Baroh kin ioh pura ia ka lad ban ujor bad pyrshah katkum ka kyndon ha ka ain. Tang hadien ba la lah ban pynbeit ia ki jingkam bad ki jingpyrshah, yn sa pynmih ia ka NRC ba khatduh.
Ki don katto katne ki briew kiba pyrshang ban wanrah jingtieng. U myntri kam poh iing jong ka Ri India u Rajnath Singh u la ong ba u kwah ban pynthikna ia baroh ba ym donkam ban don kano kano ka jingsheptieng ne khuslai.
La pynsapriang katto katne ki jingtip ba bakla. Ka jingpynkhreh ia ka NRC kalong kaba khlem da niew shiliang. Katto katne ki briew ki lah ban phah ia ki kot ki sla ba donkam. Kin ioh pura ki kabu ha ka jingkam bad jingpyrshah.
U myntri kam poh iing u kwah ban pynshai ba wat hadien ka NRC ba khatduh, manla u briew un ioh ka kabu ban leit ujor sha ka Foreigners Tribunal.
Kane kamut ba wat kito ki kyrteng bym shim la mih ha ka NRC ba khatduh kin ioh lad ban leit mih sha ka Tribunal. Kam don jingkylli halor kano kano ka jingpynshitom pyrshah ia uno uno u briew.
Ia ka jingpynkhreh ia ka NRC la leh da ka jingkhuid bad jingshai. Ia kane ka kam la peitngor da ka iingbishar ba don burom jong ka ri, ka Supreme Court.
