Shillong, Risaw 02: U bah Titostarwell Chyne uba dei u ex CEM ka KHADC haba ai jingkren sha ki lad pathai khubor haba iadei bad ka election MDC ka ban sa long ha u 2024.
U Bah Titosstarwell u la iathuh ba na ka liang ka party UDP ka dep ban shong jingialang ha kine ki sngi ba la dep bad ha kine ki sngi ban wan ka party ka sa shong jingialang biang ban sdang ban ithuh lypa ia ki kyrtong ha ki constituency.
U la ong ba ka party kam dei eh ba kan khohreh ia ka election MDC 2024, hynrei ka ba kongsan ka long ba ki paitbah kin kynmaw ia kaei ba ngi la leh ha kine ki saw snem ba la dep kum ki MDC jong ka party khamtam ha ka por ba ia ka EC la ialam da UDP bad u bah Titostarwell Chyne kum u CEM.
Haba kylli haba iadei ba ka don ka jingkynnoh ba ka UDP ka la dei ka party kala hiar , na ka liang u bah Titostarwell Chyne u la kyntaid war ia kane, u la pynksan pat da kaba ong ba lada shim na ki Regional party ba don ha Meghalaya, ka UDP ka dei ka party ba heh duh bad kaba don ki MLA 12 bad ki MDC haduh 17 ngut, hakhaii Jaintia.
