Shillong, Nailar 21: Deputy Commissioner jong ka Ri Bhoi District ba dei ruh shongknor jong ka District Disaster Management Agency kala pynbna paidbah bah ka pung Umiam kala dap, la bthah ia ki briew kiba sah ha rud wah lada pynlait ia ka um.
La pyntip ba ka um ha pung Umiam kala kot sha ka 3209.68 phut bad ia ka um lah ban pynlait ha kano kano ka por lada ka jingslap ka dang iai bteng kum ba ka long mynta, kumba la bthah ia ki ba shong ba sah ha rud wah kin long husiar namar lah ban pynlait ia ka um.
La kyntu ia ki paidbah ba kin long hukiar ba lada don ka jingshlei um kim dei ban leit sha jan ne bat ia ki ding eletrik , kim dei ban don ha jan ki wah na ki nala shnong bad ki jaka ba iaid ksaknar ligt.
