Shillong, Naiwieng 05: U Myntri ka tnad Tourism u Bah Paul Lyngdoh u iathuh kam don ka jingsheptieng ei ei ia ki paidbah wat lada ka sorkar ka la weng ia ka jingkhang lynti na Themmetor ban iaid ki kali ban mih sha Bimola lyngba ka jaka sah jong ki Harijan.
Haba kren ha ki lat pathai u bah Paul la ong ba ka Deputy Commissioner East Khasi Hills District ka Kong R.M. Kurbah kaba la dep ban pynmih ia ka hukum ha ka 30 tarik u Risaw ba shah biang ia ki kali ban iaid na Themmetor.
Na ka Liang u Bah Paul u pynsngew ha kane ka mat ban plie na katei ka jaka la iohi ia ka jingshisha ba ka don ka jingpynslem hynrei ka sorkar kan dang bishar bniah ha kawei ka liang ka long ka kyndon na ka bynta ka jingpynbha bad kin sa leh ia kaba don kam.
Shuh shuh ka sorkar kaba shim ia ka rai ban pynkynriah jaka noh ia ki Harijan ka dei ka da kawei ka ka mat bad ia ka jaka sah jong ki ka sorkar ka la tip halor kane kin sa pyrkhat ia ka rai kaba treikam ha kaba iadei bad ka jingkhapngiah kali iathuh u Bah Paul.
U bynrap ruh kiei kiei kim long ha ka rukom kata ka jaka ka dei ka jaka ba don jingeh. Hynrei mynta ba la weng noh ia kata ka dur da kaba pynlong thikna ia ka jingleit jingwan jong ki briew bad ki nongleit nongwan bad ki kali ha kata ka jaka kan pynsuk ia ki paidbah.
Kumba ka long ia katei ka jaka la niew kum ka jaka ba don jingiakynad, hynrei mynta haba la shah ban iaid kali biang kan wanrah ia ka jingkylluid ha ka jingheng kali bad ka jingshim ia ka rai ban plie biang ka long kaba bha.
