Shillong, Jylliew 03: Ka rai jong ki 17,15,329 lak ngut ki paidbah kaba kila rai ha ka 19/Iaiong/2024 da kaba thep ia ka vote jong ki ynsa tip la shai ka sngi iano ban phah kum ki MP sha Lok Sabha na ka 1-Shillong Parliamentary (ST) konstitwensi bad 2-Tura Parliamentary (ST) Konstitwensi na pdeng ki shiphew ngut ki kyrtong.
Ka jingdon jong ki nongthep vote hapoh jong ka 1-Shillong Parliamentary (ST) Konstitwensi ki don 1400411 lak ngut kiba la poi ban thep ia ka vote jong ki ki long 10,38,833 lak ngut, katba ha 2-Tura Parliamentary Konstitwensi ki nongthep vote ki don 826156 lak ngut katba kiba la poi tep vote ki long 676496 lak ngu.
Na ka liang jong ka tnad elekshon jong ka sorkar jylla Meghalaya kala pynbiang ia baroh ki lai jingiada bad ban pyniaid beit iaid ryntih ia kane ka jingniew vote jong ka elekshon MP sha Lok Sabha ka ban long la shai ka sngi. Ha ki 13 tylli ki jaka, ha Khasi Hills 8 tylli bad ha Garo Hills 5 tylli.
Ki nongpeit pyrman baroh ki don 18 ngut, 12 ngut ha Khasi Hills bad 6 ngut ha Garo Hills, ki ophisar ki ban niew ia ka vote la shai ka sngi ha ki 13 tylli ki jaka ki long baroh 2105 ngut, ha Khasi Hills ki don 1269 ngut bad ha GaroHills ki don 836 ngut.
