Shillong, Iaiong 09: Ia ka jingialang sam certificate na ka bynta ka batch ba 99 jong ki shah hikai Computer bad ka batch ba 38 jong ki samla ba pule ia ka ktien ka thylliej jong ka Ramakrishna Mission Vivekananda Cultural Centre la pynlong ha nongbah Shillong mynta ka sngi, ka sngi Saitjian.
Ha kane ka jingialang, ka centre ka la sam 500 tylli ki certificate sha ki samla pule computer bad ka ktien ka thylliej kiba la leh bha. Ka Ramakrishna Mission, Shillong, ka ai jinghikai kumba 6000 ngut ki samla ha ka shi snem ha ki sobjek Computer, ba la pynlong ha palat san bynta.
Ka jingpynkup burom kaba mynta ka sngi kadei na ka bynta ki shah hikai jong u bnai Rymphang- Lber 2023, ki shah hikai jong ka batch ba 99 ki kynthup kumba 700 ngut ki samla na ki bynta bapher bapher jong ki jylla ka thain shateilammihngi.
Ki samla kiba wan shakhmat ha ka jingpule Computer-Beginner –Longmai Gashnga, Computer-Intermediate Janak Chetri, Computer – Accounting: Chiteej Kumar Ram bad Laweibakordor Thongni, Database (Part I): Richarldy Dkhar, DTP – Mawanshwa Warjri, Web Designing – Deidaphi Kharmaw, Expert – Meba-ai Shisha Syiem.
Ka samla ba la leh bha bad wan shakhmat ha ka jingpule English kalong ka TuberlinJyrwa. La ai khusnam ia ki da ki memento.Ka dontang kawei ka samla pule kaba la ioh sngewbha da ka Computer bad kata kalong ka IbansaraJyrwa kaba tbitbha.
Ka Dr Moushumi Dey, Lecturer, Women’s College, Shillong, ka la plieia ka jingialang kum ka kongsan. Haba ai jingkren ha ka jingialang, ka Dr Moushumi ka la ong ia ki samla ba kilong kiba donbok bha ban ioh jinghikai ha kane ka jaka. Ka la ong ba ngi kiew khyndiat pa khyndiat ha ka jingim.
Ka jaka ai jinghikai bad ki samla pule ki iakiewlang man la ka sngi da ka jingialam lynti jong u Maharaj bad ki nonghikai. Ha kane ka juk ba mynta ka jingpule kaba katkum ka sap kalong kaba kham kongsan shuh shuhia ka jingpule ha ki skul bad kolej.
Kumta da kaba ioh jinghikai pyntbit ha ka Computer bad ka ktien ka thylliej kalong kaba kongsan bha bad kan iarap ia ki samla ha ki lad ioh kam ioh jam. Ka la pynkynmaw ruh ia ki kam ba la leh ha ka por jong ka khlam.
Khatduhkhatwai, ka la shim ia ki kyntien jong u Swami Vivekananda kaba ong, “Ieng, khie bad watsangehhuduhynda la kot ia ka thong,” bad ka la ai mynsiem ia ki samla pule ba kin don beit ia kane ka jinglong ha ka jingim jong ki.
Hashuwa kane ha ka jingai jingkren jong u ha ka jingialang plie, u Vairagyachaitanya Maharaj, Deputy in charge jong kane ka jaka ai jinghikai, u la ai khublei ia baroh ki samla pule bad kyntu ia ki samla ban pdiang ia ki jinghikai jong u Swami Vivekananda ban ioh jingjop ha ka jingim bad ong ba u briew udei u nongthaw ia la ka jong ka nusip.
U la ban jur ia ka jingdonkam jong ka jingpule bad pynshlur ia ki samla ba kin don ka mynsiem ban long ki nongseng kam lajong ban ia kaba ap ia ki kam sorkar. Baroh kiba iashim bynta ha kane ka jingialang ki la sngap jar shi minit ban sngewlem ia ka jingkhlad noh jong u nongthoh Bah Sumar Sing Sawian, ibaju pynbit pynbiang ia ka magazine.
U Bah Tyrchain Phawa, Nonghikai Rangbah jong kane ka jaka ai jinghikai, u la pynkut da kaba ai khublei ia baroh kiba iadon bynta ha kane ka jingialang.
