Shillong, Nohprah 10: Ka dorbar shnong Rynjah ka la pynpaw ia ka jingsngew pyrshah kaba jur halor ka jingai certificate nongshong shnong da ka refugee colony. Kane ka jaka ka dei kaba la ai kyrteng namar la buh ia ki phetwir ia ki briew kiba la wan ha u snem 1972 jong ka thma Bangladesh.
U Bah C K Passi rangbah shnong jong ka Rynjah haba kren ha ki nongthoh khubor mynta ka sngi u la ong ba katei ka colony kam lah ban ai certificate nongshong shnong. Kane ka colony ka la don ia la ka jong ka welfare society bad ha kaba ia dei bad ki kam shnong ka dei ban ioh ia ka jingbit na ka dorbar shnong rynjah.
Kaba khyllah ka long ba na ka liang jong ka ophis jong u Deputy Commissioner na ka por sha ka por ki pdiang ia kane ka jingai jingthoh jong ka RR Collony. Na ka liang jong u Bah Passi u la pynkynmaw ba mynshuwa kine ki briew ki la sdang ban kylla kyrteng ia kane ka jaka sha u Trot Sing Collony.
U wei na ki nongkit kam shnong u Bah V S Lyngdoh u la ong ba ia kane ka kam baroh yn sa ia shai ynda la ioh ia ka rai jong ka iing bishar.(SP News)
