Shillong, Naiwieng 29: Ia ka jingialang sam certificate na ka bynta ka batch ba 97 jong ki shah hikai Computer bad ka batch ba 37 jong ki samla ba pule ia ka ktien ka thylliej jong ka Ramakrishna Mission Vivekananda Cultural Centre la pynlong ha nongbah Shillong mynta ka sngi, ka 29 tarik Naiwieng 2022.
Ha kane ka jingialang, ka centre ka la sam 910 tylli ki certificate sha ki samla pule computer bad ka ktien ka thylliej kiba la leh bha. Ka Ramakrishna Mission, Shillong, ka ai jinghikai kumba 6000 ngut ki samla ha ka shi snem ha kisobjek Computer, ba la pynlong ha palat san bynta.
Ka jingpynkup burom kaba mynta ka sngikadei na ka bynta ki shah hikai jong u bnai Nailur haduh Naiwieng 2022, ki shah hikai jong ka batch ba 97 ki kynthup kumba 1200 ngut ki samla na ki bynta bapher bapher jong ki jylla ka thain shateilammihngi.
Ki samla kiba wan shakhmat ha ka jingpuleComputer-Beginner – ka Sandashisha Lyngdoh, Intermediate – u Pranteek Bhattacharjee; Tally-I – ka Nakisaka Shangpliang ;Tally-II kaMeba- ai-Shisha Syiem; DTP- ka Ladianghun Marbaniang; Web Designing bad PC Maintenance – ka Nika Delecta Lyngdoh Nongbsap.
Database – u Swarzina Swargiary; Cloud computing and Python- Sabyasachi Paul Purkayastha. Ia ki samla kiba la leh bha bad wan shakhmat la ai khusnam da ki memento bad la ai ruh artylli ki jingai sngewbha da ka computer ia arngut ki samla pule computer ba tbit bha.
Ha ka jingai jingkren jong u ha ka jingialang plie, u Vairagyachaitanya Maharaj, Deputy in charge jong ka institute, u la ai khublei ia baroh ki samla pule bad u la kyntu ia ki samla ban pdiangia ki jinghikai jong u Swami Vivekananda ban ioh jingjop ha ka jingim bad u la ong ruh ba u briew u thaw hi ia la ka jong ka lawei. U la ban jur ia ka jingdonkam jong ka pule puthi bad pynshlur ia ki samla bakin seng hi ia la ki jong ki kam ha ka jaka ban ap ia ki kam sorkar.
Ka kongsan ha kane ka jingialang, ka Dr Mazel AmpareeenLyngdoh, MLA, East Shillong, ka la ong ba ki briew kidei ban pynthymmaibeit ia la ki jingmut jingpyrkhat bad kim dei ban sahkuthajuh. Ka la ong ruh ba ki degree kim lah ban pynkylla ia ki jingmut jingpyrkhat jong u briew.
Ka ri ka don bun ki kam na ka bynta ki samla hynrei kidei ban prat lynti hi ha ki kam ba thymmai. Ka la pynshlur ia ki samla ban trei shitom bad ban shim ia ki kam kiba sngewtynnad ha ki kompani bad ki jaka trei shimet bad ka la kyntu ia baroh ba kin bud ia la ki jingangnud.
U Swami DivyaswarupanandajiMaharaj, Centre-In-Charge, u la pynkut ia ka jingialang da kaba ai khublei ia baroh kiba don bynta bad u la pynkynmaw ia ki kyntien jong u Swami Vivekananda ha ka Khasi bad phareng.
