Shillong, Nohprah 18: U bah Pyniaid Sing Syiem Chief Executive Member jong ka KHADC u la kren shai ba ka ka R R Colony ka hap hapoh ka shnong Rynjah, ka ain kam ithuh ia kita ki Kommittee iakane u la kren ha ka jingialang ban pynlait paidbah ia ka trok kit niut ha Iew Rynjah.
Haba kren ha kane ka jingialang u bah Pyniaid u la kren shai ba, ia ki Trading Laisen ka KHADC kan ai beit sha kito kiba dei hok bad ia ki bymd ei hok ba ioh kin nym ai, ia ka hok jong ki kin nym khanglat hynrei kin iaid katkum ki ain bad la bthah ia ki rangbah shnong ba kin da peit bniah, la da pdiang ruh dei ban don ka nongrim lada kyntait ruhd ei ban don ka nongrim.
Ha kane ka sngi la pynban ba ka KHADC kala mang pisa T.20 lak ban pyndep ia ka iing dorbar nalor ba la dep ban ai T.10 lak tyngka, ka KHADC ka sngewthuh ia ka jingkiew dor kimar kimatta ban pyndep ia ka iing dobar la mang pisa sa T.20 lak tyngka.
Ha kane ka jingialang u la ong ruh ba lada ka shnong ka lah ban pynioh ia ka jaka na ka liang jong ka KHADC kan pynioh ia ka “Resources Recovery Centre” bad la ong ba ka KHADC naduh ba kala ioh ia ka Waste Management Act 2021 kala don ia ka lat ban ia peit lang ha ka kaba ia dei bad ka khuid ka suba.
U la kyntu ia ki long iing kiba don ha ruh ki wah ba kim dei ban bret ia ki jabah ha ki wah kidei ban ap haduh ban da wan ki kali ba kit ia ki niut, ka KHADC kan pynkhudi ia ki wah Umiew, Umkhem Umngot bad kiwei kiwei .
Kiwei kiba la kren ha ka jingialang ban aiti ia kane ka trok kit niut sha ka shnong Rynjah, la don lang u bh Bindo M Lanong, u Syiem ka Hima Mylliem u Pa,im Ainam Syiem ha kaba u la noh syniang T.25000/- tyngka, u bah Bantylli Nari shongknor ka dorbar shnong pyllun Nognthymmai. U Rangbah shnong ED War ka Rynjah.
Ha kane ka sngi la don lang ruh ki riew rangbah jong ka shnong ki seng long kmie ki seng samla shnong bad ki paidbah nongshong shnong jong ka shnong Rynjah, ia ka jingialang la pynlong ha Iew Rynjah ban aiti ia kane ka kali kit niut na ka skhim Chief Minister Special Development Scheme.
