New Delhi: Iaiong 29:Ha ka hukum ba ka la pyllait mynta ka sngi, ka tnat kam pohiing jong ka Sorkar Pdeng ka la bthah ia baroh ki Jylla bad ki Union Territory ba kin pyrkhat halor ki lad tehlakam kumba la bthah ha ka jingai jingmut jong ka tnat ka koit ka khiah jong ka Sorkar Pdeng ha ka 25.4.2021.
Ki dorkar jyllad bad ki Union Territories ban pyntreikam mardor katkum ka jingithuh ia ka jinglong jingman. Ka la bthah ia ki Jylla bad ki UT ba kin pyntreikam ia ki lad tehlakam katkum ki kyndon jong ka Disaster Management (DM) Act, 2005.
Ka tnat ka koit ka khiah ha kane ka jingai jingmut ha ka 25.4.2021 ka la bthah ia baroh ki Jylla bad ki UT ba kin wad ia ki distrik ha kaba ka jingbun ki case positive ka long palat 10% ha ka shi taiew lane ha kaba ki nongpang kiba dang ioh jingsumar ki long 60%. Dei ban pyntreikam ia ki lad tehlakam ha kito ki distrik kiba shem ia kum kine ki artylli ki jinglong jingman.
Ia ki rukom pyntreikam ia ki jingtehlakam ha ki dong ne ki lad tehlakam ha ki jaka ba heh, kumba la ai jingmut da ka tnat ka koit ka khiah la dep suh lang ha kane ka hukum jong ka that kam poh iing.
Ia ki jingbthah na ka bynta ka ri baroh kawei halor ka rukom tehlakam ia ka khlam COVID-19 yn dang bud tista ha kylleng ka ri.
Kane ka hukum jong ka that kam pohiing kan treikam haduh ka 31.5.2021.
