Shillong, Naiwieng 18: Ka seng lehnoh HNLC kala kwah ban ia kren ia suk bad ka sorkar pdeng ban wanrah ia ka jingshong suk shongsain kaba neh, la ong ba dei tang ka jingiakren kaba lah ban wanrah ia ka jingsuk, kumta ka jingiakren ia suk kam dei ban don ka kyndon, lada hap ban buh kynduh ia ka jingiakren lah ban pynibor tang shiliang.
Ka jingiakren ia suk mynta kala iaid hapoh ka jingilam jong u Vice Chairman ka seng, ha kane ka jingiakren ka sorkar ka pynbor ban wan hi u Chairman bad General Secretary kin wan ban ialam ia kane ka jingiakren ia suk.
Halor kane ka seng kala kren shai lada ym pat map ia baroh ki mukotduna pyrshah ia ki ne ban ia kren shai ia ka jingsngeh ia siat kin nym wan ban ia shim bynta ha ka jingiakren ia suk, halor kane kila ai bor ha u Vice Chairman ba thymmai ka seng u bah Teimiki Laloo ban pyniaid sha khmat ia kane ka jingiakren ia suk.
Ia ka jingiakren ia suk kala iaid sha khmat ban wat ia ki lat ki lynti ban wanrah ia jingshong suk, hynrei kumba ka paw mynta ka sorkar pdeng ka shim ia kane kum ka jingwandemwait, la ong bun ki seng lehnoh ha North East kila pyndem bad pynduh noh ia ka seng wat la kim pat ioh ia ka jingdawa jong ki.
Ka seng ka angnud ia ka jingsuk ka ban neh bad ha ka juh ka por ban ioh ia ka hok kaba dei jong u paidbah Hynnietrep bad na ka liang ka seng ka pyrshah ia kano kano ka jingangnud ban pynioh ia ka jingsuk kaba long tang shipor kaba lah pat ban ktah ia ka hok.
Kane la kren ha ka kyrwoh kaba la phah da u bah Bobby Marwein C-In-C bad ei ruh u Chairman bad u bah Sainkupar Nogntraw General secretary bad ba dei nongai ktien ka seng ha ka kyrwoh kaba la phah sha ki lat pathai khubor.
