Shillong, Rymphang 22: U general secretary jong ka seng lehnoh HNLC u bah Sainkupar Nongtraw ha ka kyrwoh kaba la phah mynta ka sngi u la kynnoh ba ki pulit kila thawnia ha kaba ia dei bad ka jingpynbthei bom ka jong ki ha ka karkhana shna koke ha Shallang kumba la paw ha ki lad pathai khubor.
Ha ka kyrwoh kaba la phah da u general secretary ka seng lehnoh mynta ka sngi sha ki lat pathai khubor u la kynnoh ba ki pulit kila thawnia halor ka jingjia ha Shallang ban ialam bakla ia ki paidbah bad kum juh ia ki lat pathai khubor, la ong ba ka long kaei kaei ka byms hong nia ban dawa T.13 klur na ka karkhana kaba shongdor tang da ki lak tyngka.
U Bah Sainkupar general secretary jong ka seng lehnoh HNLC u la dawa ba ki pulit ki dei ban sei paidbah ia ka shithi dawa pisa, la ong ba ka long pyrshah ia ka rukom trei kam jong ki ban dawa pisa khlem ka shithi jong ka seng bad ka soi jong u secretary ba peit ia ka pla tyngka.
La ong ba ki pulit ki watlad kumno ban ialam bakla na ka kam khaii Benami da kaba pynlong ia kane ka kam kum ban kynnoh ba ka dei ka jingdawa pisa, u General secretary u kynnoh ba ia ka Sim kard ka dei kaba la shuthaw da ki pulit ban kyrshan ia ka jingujor.
Ha ka kyrwoh kaba la phah mynta ka sngi sha ki lat pathai khubor, u general secretary ka HNLC u la kam ba kila peit bniah ia ka jingleh jong u Dharmu ha ki thain Shallang da ka jingkyrshan jong u briew ba don ha ka sain pyrthei, lada ka karkhana ka dei jong u Robert Sohbar balei un ujor ejahar da u Dharambir Bansal.
Ka seng lehnoh HNLC kabuh ka jingkylli u ei u ta u Dharambir Bansal bad u don ka jingiadei bad u Robert Sohbar, hato ki pulit ki lah ban pynshai ha kaba ia dei bad kane, ka HNLC ka maham bay m dei ban shim kabu ia ki briew bad ia ka jingdon jingem. Kane ka dei ka jingthaw nia jong ki pulit bad u Dharambir Bansal.
Ha ka juh ka por ha ka kyrwoh kaba la phah mynta ka sngi u bah Sainkupar general secretary jong ka seng lehnoh HNLC u la kam ba ka seng kam don jingduna ha ka liang ka pisa, lada kane ka dei ka kam dawa pisa balei sha Jaintia Hills kiba don karkhana Koke kin ujor.
Kane ka dei tang ka jingthawnia jong ki pulit ban ialam bakla ia ki paidbah ong u Bah Sainkupar Nongtraw general secretary ba bat ruh kum u nongpathai khubor ka seng HNLC ha ka kyrwoh kaba la phah mynta ka sngi sha ki lat pathai khubor.
