Shillong, Jylliew 08: Ka Syntung UP bad Secondary School ha ryngkat ka shityllup ka pyrthei ha ka 5th June 2018 kala rakhe kyrpang ia ka sngi pynneh pynsah ia ka mei mariang (World Environment Day) da ka jingkyrshan ka Office u District Planning Officer, East Khasi Hills District lyngba ka Voluntary Action Fund (VAF).
Ha katei ka sngi la pynlong ia ki programme kiba pher bapher naduh ka por mynstep ha kaba la sdang shwa da ka jing pynkhuid (Cleaning Drive) ia ki sawdong sawkun jong kawei ka jaka jngoh kai pyrthei ia kaba la tip kyrteng kum ka Wah Rashi kaba don ha ka shnong Syntung. Hashwa ban sdang ia ka programme kaba lyngkot bad kumjuh ruh ia ka Awareness Programme ha katei ka sngi na ka liang jong ki khynnah skul jong ka Syntung UP bad Secondary School kila ai da ki jingrwai bad ki jing shad ba la pynkhreh kyrpang ha kaba la pynbud pat da ki kyntien pdiang sngewbha ia ki kynrem ki lyndan bad ki nong shah khot sngewbha na I Ms.Hun Pale, Head Teacher, Syntung UP & Secondary School.
La pynshngain shuh shuh ia katei ka jing rakhe kyrpang ia ka sngi pynneh pynsah ia ka mei mariang (World Environment Day) da ka jing ia don ryngkat jong i Kong Amanda Pakyntein iba ju khot ieit I Kongrit iba dei ruh ha kajuh ka por I Kurim jong U Bah Banteidor Lyngdoh (Bah Pai) MLA/MDC Mawkynrew Constituency iba la long kum i Kongsan ha katei ka sngi.
Haba kren ha ka jingialang kum i Kongsan ha katei ka sngi na ka liang jong jong i Kong Amanda Pakyntein i pynpaw nyngkong eh ia ka jing sngewnguh ia u Trai Nongbuh Nongthaw ha kaba i la ai khublei kyrpang ruh ia ka Office jong u DC, East Khasi Hills District lyngba ka Planning Department, Sordar Shnong bad ia ki Nonghikai bad khynnah Skul jong ka Syntung UP & Secondary School bad kumjuh ruh ia ka Forest Department kaba la ai sngewbha haduh 125 tylli ki tynrai dieng.
Na ka liang jong i kongsan i la pynkynmaw ba ia ka jingrakhe nyngkong eh ia ka World Environment Day la sdang da ka United Nations General Assembly ha u snem 1972, i Kong Amanda Pakyntein i la ong ba ka shnong Syntung ka long kaba lah shah kyrkhu kyrpang ha U Blei namar ka jing itynnad bad jing i thiang jong ka mariang, I la ong ruh ba ka mariang kadei kaba la ai sngewbha da U Blei ia ngi bad kadei ruh ka jingthaw kaba kyrpang bad kaba phylla tam ka jong U Blei da kaba bynrap shuh shuh da kaba ong:
“Lada ngi nang ban sumar ban ieid ia ka, ka dei ka paralok ba iajan tam jong ngi bad lada ngim sumar, lada ngi lehbein lehkhoh ia ka, kan kylla long pynban ka nongshun bakhraw tam ka jong ngi”. i Kong Amanda Pakyntein i la ban bad kyntu jur ruh da kaba ong: “Kam myntoi ban rakhe ia ka world environment day tang shisngi, kam myntoi ban shu pynlong ia ki programme thung dieng lada ngim pat lah ban thung ia ka jingnang jingtip ha ki jingmut jing pyrkhat ki jong ngi” Shuh shuh I la ong ruh ba kam don dor bad kam don jingmut satia ban shu pynlong ia ka jing rakhe lada ngim pat sngewthuh shisha ban ieit ia ka Mei Mariang bad kyntang iawai na ka liang jong I Kongsan ila kyntu ia baroh lang da kaba ong “Let us pledge to collectively work together in conserving our precious natural resources”
Hashwa ban pynlong ia ka jingthung ia ki 125 tylli ki tynrai dieng ha ki sawdong sawkun jong ka Wahrashi, Syntung kaba dei kawei na ki jaka jngohkai pyrthei kaba la sdang ban paw bha ha kine ki sngi kiba mynta la ioh ruh ia ka Awareness Programme ha kaba ki riew shemonag kiba kynthup ia i Bah T. Iangjuh (Junior Scientist), Bio-Recources Development Centre bad ka Dr. Vicky Manners (Orchidologist) District Forest Office, Mawkynrew Block kiba la ai ka jingkren shaphang kumno ban rep ban riang khlem da pynsniew ia ka khyndew bad kumno ban rep tang ha ki jaka ba rit ruh hynrei ban pynneh pynsah pat ia ki orchids bad ia kiwei pat ki jingthaw ba im.
Ia ka jingthung ia ki tynrai dieng ha katei ka sngi la lamkhmat da ka Kong Amanda Pakyntein bad u Brother Acham Pamei, World Vision uba la ai ruh ka jingkren Lamphrang ban pynkynmaw ia ka Theme: “Plastic Free” ha kaba u la kyntu ban ym pyn donkam ia ki plastis bad kumno ban recycle ia ki plastic, ha katei ka p[rogramme thung dieng la ia snohkti lang da u Sordar Shnong, I Bah T.Pohshna, Chiarman Mawkynrew Block, ki Nonghikai lem bad ki khynnah Skul.
