Shillong, Kyllalyngkot 27: U Chief Executive Member (CEM) ka Khasi Hills Autonomous District Council u bah Pyniaid Sing Syiem haba kren ha ka sngi pynkut ia ka jingrakhe ia ka Youth Week jong ka shnong Umiam la ong ba ka burom ka leit sha kito ki long shuwa kiba la pynioh I ka Sixth Schedule ba dang lah ban don ia ka synshar tynrai ha duh mynta.
Ka jingdon ia ka Sixth Schedule kala long ka lat jngiada ia ka jaidbynriew ha kaba kum ka jaidbynriew kala dang lah ban pynneh pynsah ia ka synshar khaddar tynrai haduh mynta ba ki Hima ki shnong kit hw ki hap hapoh ka jingpeit jogn ka District, ka shnong Umiam ka hap hapoh Hima Mylliem bad ia ka Sanad la ioh na ka hima.
U CEM la ong ba ka jingsiew kaba la ktah ia ki long iing longsem bad ki ja jaidbynriew bad ka jylla ka dei ka jignshah hiar thma ha u Drok, kumta u la kyntu ia ki bor shnong bad ki seng samla shnong bad kis eng long kmie ba kin ia treilang ha kane ka bynta ban ia khun pyrshah ia kane ka jingsniew.
Na ka liang jong ka KHADC ka khmih lynti ba kin sa ioh kloi ia ka jingmynjur jong u Lat ka jylla ia ka ain kaba kila pynkylla ia ka Admisntration of Elaka Act, ha kane ka jingpynkylla ia kane ka ain la buh lang ia ki seng kynthei bad ki seng samla shnong ba kin ioh noh ia ka jingithuh da ka ain.
Ha ka jingkren jong u bah Bub L Mawlong la pynshai ba kumno ka shnong Umiam ka ioh ka dorbar shnong, laong ba kila ia kren bad kiba bun ki Lamphang jong ka MeSEB ha ki shnong ba mynshuwa bad dei ha dien bala wan long Lamphang u bah R B Lyngdoh ha u snem 1986 u la shah ban don ia ka shnong namar kane ka dei ka jaka jong ka MeSEB bad mynta MeECL.
Dei ha u snem 1987 la ioh ban jied ia ki nongkit kam shnong ba pura ha kaba u bah Baburom Sing Syngai u la shah jied kum u rangbah shnong ba nyngkong bad ia kiwei ki dkhot jong ka dorbar shnong bad kane ka neh hduh mynta bad kane ka long ka burom ba ha kane ka jaka ba ia imkhleh khawlang ka don ka dorbar shnong.
Ha kane ka sngi pynkut iaka taiew lehkmen jong ki samla kala don ruh ka jingpynkup burom ia ki tynmen ki kro jong ka shnong ha kane ka sngi ia ka jingpynkupburom la sam da u CEM jong ka KHADC, u bah Rangkynsai Kharbuki EM ba dei ruh u MDC kane ka jaka bad ki riew rangbah rangbah kane ka shnogn. Ha kane ka sngi la don lang ki paidbah ka shnong ban ia sakhi lang ia kane ka sngi.
