New Delhi, Naiwieng 24: Ha ka bynta kaba 55 jong ka International Film Festival of India, ka Snow Flower ka la paw kum shi bynta ka Gala Premiere bd kito kiba iadon bynta ha kane ka phlim ba kyntup ia u director ba pawnam, u Gajendra Vitthal Ahire, Chhaya Kadam, Vaibhav Mangle bad Sarfaraz Alam Safuki la iakren bad ki lad pathai khubor hynnin ka sngi ha Goa.
Kane ka phlim ha ka ktien Marathi ka dei kaba sngewsih shaphang ki ar jait ki deiriti- RussiabadKonkan. Kane ka phlim ka dei kaba pyni ia ki jaka thah ka Siberia bad ki khlaw ka Konkan ha kaba ka pyni ia ka ‘jingjngai’ hapdeng ka meiieid kaba sah ha India bad ka khunksiew kaba sah ha Russia.
U director GajendraVitthalAhire, u la batai katto katne shaphang ka jingshonia ka Snow Flower. U Ahireu la kren ruh shaphang ki jingeh ban ring phlim ha kine ki jaka ha kaba ka jingkhriat ka long haduh -14°C haKhanty-Mansiyskha Siberia ha kaba ki nongringphlim ki la shem shibun ki jingeh.
Wat hapdeng kine ki jingeh, ka jingtrei shitom bad ka jingiatreilang ka la plie lad ia ki ba kin shna ia ka phlim kaba pyni ia ki jingsngew kiba khlain ha kane ka khana.
“Haba ngi la poi sha Russia, ka jingkhriat ka long minus 14 degree,” la ong uAhire. “Ki la sumar ia ngi – ki la pynbiang ki juti, ki jain, ki jacket, ka sabon bad shampoo. Lyngba ka jingkyrshan jong ki, ngi la lah ban trei bha.”
U la ong ruh ba watla ka la don ka jingeh ha ka ktien ka thylliej – namar ym don kiba kren ia ka ktien phareng, bad ki briew na Russia kim nang ia ka Hindi – ki la lah ban pynsngewthuh iwei ia iwei da kaba shaniah ha ka ktien jogn ka kam shna phlim bad ka jingburomiwei ia iwei.
“Kum shi bynta ka jingngeit tynrai jong ngi, ngi ju leh ia ka GanpatiArtiman ka step shuwa ban sdang ka kam. Ki briew na Russia ki la iohi ia kane ha ki ar sngi ba nyngkong bad ki la sdang ban leh lang ia ka artina ka sngi ba lai. Ki la ong ba kimsngewthuh ia kane hynrei ka long kaba sngewtynnad ban leh,” u la ong.
U Vaibhav Mangle u la iathuh ba ka jingjied ia ka Russia ban ring ia ka phlim kam dei tang namar ka jingitynnad ka jaka hynrei ka dei ruh namar ka jingiapher ka deiriti bad ka Konkan.
Ki jaka ba sop thah ha Siberia ki long kiba biang bha ban pyni ia ka jingiapher ka jingsngew bad ka jaka ha kane ka khana kaba iapher bha ia ki jaka ba sop khlaw jong ka thain Konkan.
Ka ChhayaKadam, ka actress kaba pawnam ha kane ka phlim ka la bataiia ka jingshem jong ka ban pyni ia ki ingiapherhapeng kine ar tylli ki ri. “Nga dei ka fan jong u Gajendra, bad ka jingioh lad ban trei lang bad u ka la ailad ia nga ban pyni ia ki jingiapher ka deiriti hapdeng ka Russia bad India,” ka la ong.
U Sarfaraz Alam Safu, u actor ha kane ka phlim, u la kren shaphang ka jingshem jong u ha kaba iadei bad ka jingiatreilang ha kane ka phlim. U Safuuba sah ha Moscow, u la iarohia ka jinglah ban trei da kaba pyndonkam tang khyndiat ki tiar bad ki jingdon jingem.
“Wat hapdeng ki jingduna, ngi la lah ban ring ia ka phlim. U director Gajendrau la ailad ia nga ban pyni ia ki jingsngew jong nga bad nga la ioh shibun ki jinghikai na kito kiba iadon bynta ha kane ka phlim,” la ong u Safu.
U la kren shaphang ka jingktah kane ka phlimia ki nongpeit, ha kaba bun ki briew na Russia kiba dei ki delegate ha ka IFFI ki la jaw ummat haba la pyni ia kane ka phlim.
“Ka jingiadei hapdeng kine ar tylli ki ri ka dang kiew,” u la ong. “Nga kyrmen ba kane ka phlim kan ai mynsiem ia kiwei kiwei ki jingiatreilang hapdeng ki nongshna phlim ka India bad ka Russia,” la ong u Safu.
Na ki jaka khapduriaw ha Konkansha ki jaka sop thah jong ka Siberia, kane ka phlim ka pyni ia ki jaka ba iapher bha kaba iahap bad ki jingkulmar jingmut jong ki briew kiba la pyni ha ka phlim.
Ha kane ka jingiakynduh bad ki lad pathai khubor, ki nongshna phlim ki la kyntu ia ki media bad ki nongpeit ba kin kyrshan ia ka kam shna phlim ha ki thain bapher bapher.
“kane ka dei ka phlim jong ka thain kaba baroh ki briew ka India ki dei ban iohi,” la ong u Ahire. “kam dei tang ka khana shaphang ka samla kaba don hapdeng ar jait ki deiriti, ka dei shaphang ka longiing, ka jingieid bad ka jingsngew don bynta.”
Ka Nikita Joshi ka la pyniaid ia kane ka jingiakynduh bad ki lad pathai khubor. ‘Snow Flower’ka dei ka ban pyllait ha ki theatre ha kylleng ka India ha u Kyllalyngkot 2025.
Ka bynta kaba kongsan jong ka Snow Flower ka dei ka jingiaid lynti ka khynnah, Pari, kaba don hapdeng ar jait ki jinglong jingman. Ka khana ka sdang ha ar tylli ki ri: ha Konkan, India, Bablya, u thrang ban ioh ban rung hapoh ka kynhun Dashavtaartheater group ka ban leit sha Russia kaba ktah bha ia ka jingiadei bad ka kmie, u kpa jong u, Digyabad Nanda. ha Russia, u Bablyau tei ia la ka jingim, u shong kha bad u ioh khun kynthei.
Hynrei ha ka jingjia ba sngewsih, u Bablya u khladnohhadien ka jingkulmar bad ka kmie u kpa jong u ki leit sha Russia ban leitshaw ia ka Paribad ialam ia ka shaKonkan. Hapdeng ka jingieid bad ka jingpyrshang jong ki ban pynhehpynsania ka, ki sngewthuh ba ka Pari ka dei ban don ha Russia ha kaba ka lah ban ioh ia ka jingkmen. Kane ka dei ka rai kaba sngewihbha ha kaba u Nanda u ialam ia ka Pari sha Russia da kaba pdiang ia ka jingiadei kaba kham jan hapdeng ka Pari bad ka ri jong ka.
