Shillong Lber 21: U Myntri Rangbah ka jylla u la ong ba ka sorkar Jylla ka dang bishar bniah ia ka jingthungkam pura ia ki nonghikai skul ba la thung da ka Deputy Inspector jong ki skul.
U Myntri ka tnad Pule Puthi ka sorkar jylla u Rakkam A Sangma u la ong ba ki don 2446 ngut ki nonghikai kiba la thungkam pura (Regularize) da ka sorkar jylla.
Ki don 1985 ngut kidei ki nonghikai skul sorkar ha ka LP bad 461 ngut kidei kibym dei ki nonghikai skul sorkar la thungkam pura ia ki, ong u Myntri ka tnad Pule puthi haba jubab ia ka jingkylli ba la wanrah da u MLA ka Nongpoh u bah Mayralborn Syiem ha Iing Dorbar thawain ka jylla mynta ka sngi.
Haba bynrap shuh shuh ia ka jingkylli haba iadei bad kiwei ki nonghikai skul kiba la shah ieh khlem da regularise, u Myntri Rangbah u la ong ba ka sorkar ka sngewkhia ia ki nonghikai bad ka la weng ia ki jingeh jong palat 2000 ngut.
Ki nonghikai bad ia kiwei ki nonghikai kiba dang sah ka sorkar ka iaid katkum ka kyndon bad kan sa bishar bniah ia kane ka kam ban shim ia ki sienjam ba bha na bynta ki nonghikai.
