Shillong, Nailar 28: U Bah Prestone Tynsong symbut myntri rangbah ka jylla u bah Prestone Tynsong haba jubab ia ka jingkylli jong u bah Ollan Singh Suin ia ka jingdawa Civil Sub Division ha Mawsynram, la ong ba ka sorkar ka dang bishar bniah.
Shuwa ban buh ia ki jinglylli bynrap na ka liang jong u MLA ka Mawsynram u la pan jingbit na u Lamphang ka iing dorbar ban batia lyngkot, ha kaba u la ong ba ka Mawsynram ka don kam khun ki paidbah nongshnong ia ka Ranikor bad Pynursla Civil Sub Division bad ka jingdon ki shnong ruh ki kham bun, bad u la buh ka jingkyrpad ia k sorkar ba sngap ia kane ka jingangnud jong ki paidbah namar ia kaei kaba u kren u kren na ka bynta ki paidbah ka Konstitwensi.
U bah Charles Pyngrope MLA ka Nongthymmai u la buh ia ka jingkylli bynrap kaba u kren na ka bynta ki paidah ka jylla ba ka East Khasi Hills District kala heh palat la don kam ban don noh sa kawei ka District kata ka Sohra kala don kam ban ioh District.
Myntri kam pohing u bah Prestone haba jubab ia ki jingkylli bynrap la ong, haba ka sorkar pynkha District thymmai, Civil Sub Division thymmai bad Block thymmai ka sorkar ka dang hap ban bishar bniah shuwa namar kaei kaba ka sorkar kan leh ka dei na ka bynta u paidbah.
