Shillong, Nohprah 16: U President ka Meghalaya Retired Defecit School Teacher Association Babu E D Nongsyiang haba ïa kren bad ki ladnpathai khubor u la ong ba ka sorkar jylla kam dei satia ban khan glad ïa ki nonghikai ki ba don jingthmu ha kaba kin ïa khun elekshon lane ba kin rung ha ki kam seng saiñ pyrthei.
U tei u nongialam u la ïathuh ba balei u hap ban ong kumta, u la ong ba ka daw ka long, haba ka sorkar kam pat lah ban pynbiang jingsiew ïa ki nonghikai kumba ka sorkar ka la leh ha ki nongtrei kam sorkar.
U la ong ba u kyrshan ïa ka jingleh ka UGC ka skul bah NEHU ki shah ïa ki nonghikai ba kin ïakhun election, hynrei ki dei ban shnong shuti la kumba shisnem eiei bad Lada ki jop te ki lah ban long kita ki nongtrei sorkar hynrei Lada ki rem ki lah ban phai biang sha ka kam hikai skul, u la Kubur ruh ba ha ki por ba kham mynshuwa ka long kumta. Kumjuh ruh u la ong ba ka rule jong ka sorkar kam shim la kren Shai ïa ki Defecit School.
U la ong namarba ka pension ruh Kim ïoh kiwei dei ki jingdonkam ruh ki khlem ioh kum ki nongtrei sorkar. Hynrei hadien katto katne snem la pynmih noh ïa ka aiñ kaba ong ba yn ymshah shuh ïa ki ban ïa shimbynta ha kamkam seng saiñ hima lane ban ïakhun election.
Halor ka jingleh kyrkih ban pynthymmai ïa ki kot pule ha ki skul u la ong ba ka biang palat, hynrei ka ba u kwah ban kyntu ïa ka sorkar ka long ba ka sorkar ka dei ban kham pynjynsur khyndiat ka jingpynkylla, ym ban shu leh kyrkih.
Hynrei ka kham biang ki kot jong ka NCERT ban ïa ki kot ba kham mynshuwa. U la ong ba Lada ka don ka jingthmu ban pyngkylla ka donkam ban ïa sngewthuh lang ryngkat ki nonghikai ba ïa sngewthuh lang, kumba ka board ka leh ha ki por ba kham mynshuwa.
U bah babu Ron ba ju khot ïeit Haba bynrap ïa ka jingkren u bah E.D Nongsyiang u la ong ba ka sorkar ka donkam ban peit lang ha baroh arliang, Da ka ba u la ong ba ka sorkar kam dei ban shu pyrkhat na ka jingmyntoi jong ki nongthoh bad nong pynmihkot hynrei ban ïaid kat kum ka jingdonkam.
