Shillong, Lber 23: Ka Sorkar ka la pynkylla ia ka India na ka jingduna bording ha u 2013 sha ka jingpahuh bording. Ka jingpynmih bording kalong 379 GW kaba la biang ban pyndap ia ka jingdawa bording elektrik kaba 190 GW. Ka sorkar ka la wanrah ruh ki jingthmu ban pynbiang ka jingpynmih bording khnang ban lah pyndap ia ka jingdawa bording elektrik ha ki por ban wan.
La antad ba ka jinglah pynmih bording elektrik ka India ha kaba kut jong u 2016-27 kan long 6,19,066 MW ba kynthup 2,38,150 MW u dewiong, 25,735 MW ka Gas, 63,301 MW Hydro, 16,880 MW Nuclear bad 2,75,000 MW ki tyllong bording elektrik ba lah ban pynthymmai ban pynbiang ia ka jingdawa bording katkum ka 19th Electric Power Survey ha baroh kawei ka ri.
Katkum ka jingwad bniah ba dang shen ba la pynlong da ka Central Electricity Authority halor ka Optimal Generation Capacity mix na ka bynta u snem 2019-30, la antad ba ka All India installed capacity ha u 2029-30 kan long 8,17,254 MW kynthup 2,66,911 MW u dewiong, 25,080 MW ka Gas, 71,128 MW Hydro, 18,980 MW Nuclear bad 4,35,155 MW ki tyllong bording ba lah ban pynthymmai.
Ka jingphaikhmat jong ka Sorkar kalong ban kyntiew ia ka bhah jong ka bording ba lah ban pynthymmai kaba pahuh bha hapoh ka ri ban pynbiang ia ka jingdonkam jong ka ri bad kumjuh ruh ban shalan sha ki ri ba marjan.
U Myntri khynnah ba dei peit ia ka Tnat Power, New & Renewable Energy bad u Myntri Khynnah ba dei peit ia ka Tnat Skill Development & Entrepreneurship u R.K. Singh u la ong ia kane ha ka jubab lyngba ka jingthoh ha Rajya Sabha mynta ka sngi.
