Shillong, Rymphang 8: “Ngim pyrshah sorkar ne kyrshan iano iano, ka jingwan jong ki ha kane ka jaka ka long ban pynpaw ba ka jingkiew dor ka umphniang kala wanrah ia ka jingkiewdor ki marbam ha iew ha hat, bad kane ka jingsangeh kamai ki kali kala ktah ia ki paidbah”, la ong ka kong Victoria Marwei ka nongialam jong ki nongshong iew ha Iewduh.
Kane ka jingsangeh kamai ki kali kala ktah shibun ia ki paidbah, khamtam ia ki ba die marpyut, kumta kum ki nongshongiew ki kyntu ia ka sorkar ban pynhiar dor ia petrol ka bai kali ruh kala hiar, ka sorkar ka dei ban peit ia kiba duk.
Ka kong Marwei kala ong ba lada pynkiew ia ka bai kali ruh ka ktah ia ki paidbah bad lada pynkiew ia ka bai Umphniang ruh ka ktah hi ia u paidbah, ka jingkiew dor jong ki marbam ka dei na ka daw jong ka jingkiew dor ka umphniang, ka sorkar ka mut aiu ban pynhiar tang T.2 tyngka ka mut ban leh aiu ia ki paidbah.
Ka kong Marwein kala ong shuh shuh ba lada ka sorkar ka don kam ia ki ha ka por elelction ka dei ban pyrkhat ia ki paidbah, kane ka jingialum paidbah ka long ban pynpaw sha ka sorkar ba don kam ban leh ei ei ban nym ktah ia ki paidbah bad kum ki nongshong iew kila jynjar palat.
