Shillong, Jymmang 29: U Symbut Myntri Rangbah ka jylla u Prestone Tynsong u la iathuh ba ka sorkar mynta ka sngi kala shim ia ka rai ban shah ia ka ia siat Tim bad kino kino ki jingialehkai kiba ym don kam ban ia dei para briew.
La ia thuh ruh ba ka sorkar kala shim ia ka rai ban shah ia ki briew kiba tbit ha ki kam ban wan sha ka jylla “Highly Technical bad Higly Skill”. Ha ka juh ka por ka sorkar kala buh ruh ia ki kyndon ba kito ki ban wan ki hap ban apply lyngba ki ophis jong ki Deputy Commissioner bad ia ki jingpynshisha na ki tnad sorkar ban ioh ia ka jingbit.
Ka sorkar kala shah ruh ia kito ki ophis kiba trei mon sngewbha ba kin plie noh ia ki jaka trei kam jong ki tang ki nongtrei kim dei ban palat 33% ki nongtrei ba kin wan trei ha ka sngi sngi bad kine ki ophis ki dei ban but ryntih ia ka jingbthah jong ka sorkar na ka por sha ka por.
La iathuh ruh ba haduh mynta ki briew jong ka jylla kiba la wan poi ki long ki long 10,655 ngut. Ka rel kaba mih na Delhi kan poi mynta ka sngi ha Guwahati bad ki don 174 ngut, ka Rel kaba la mih na Kerala kan poi sla shai ka sngi ha Guwahati ha kaba ki don 352 ngut, bad ka Rel na Goa kan poi ha ka 31 tarik mynta u bnai ki don 99 ngut. Haba ia dei bad ka Rel na Mumbai bad Pune ka sorkar ka dang ia kren bad ka sorkar Maharashtra.
Haba ia dei bad ki nongbylla ba na shabar kiba wan trei ha ka jylla Meghalaya kiba la leit phai noh sha ka lo jong ki shnong baroh ki don 13000 ngut. Kine kiba la leit phai ki dei ba wan bylla mynta kila leit phai sha ki shnong jong ki.
