Shillong, Kyllalyngkot 26: Ka sorkar kala buh ha khmat eh ban kyntiew ia ki nongrep ha ka jylla namar ki nongrep ki don ka bynta kaba khraw haba kyntiew ia ka ioh ka kot, ka rep ka kyntiew ia ka jingioh ka jylla ha kine ki san snem kiba la dep.
Ka sorkar jylla kala shim bun ki lat ki lynti ban kyrshan ia ki nongrep ban pynioh ia ka dor kaba biang dei na kane ka daw ka sorkar kala sdang ia ka ‘CM Assure’ kane ka long ban pynioh ia ki nongrep ia ka dor sorkar namar ka jong u kwai bad synsar kal hiar palat kane kan pynioh ia ka jingiarap ki 2,500 ngut ki nongrep.
Ka sorkar kala bei pisa ban shna ia ki jingbam bad kane ka long ka bynta kaba kongsan bha ban kyntiew ia ki kam karkhna bad ka rep ka riang bad ka jylla Meghalaya kan long kawei ki jylla ban pynih ia ki jingbam kiba bun jaid bad kan long ka iew sha South East Asia.
Ha u snem 2021 ka sorkar kala sdang ia ka skhim ban airam kaba khlem sut bad kane ka long ban kyntiew ia ki kam pynmih jingbam bad kane ka jingairam ban seng kam kan long haduh T.10 lak tyngka kaba khlem da don kano kano ka bynta.
Hapoh kane ka skhim 414 tylli ki seng treilang kila ioh ia ka jingkyrshan bad la shna haduh 44 tylli ki jaka buh ia ki marrep, 68 tylli ki jaka lum ia ki marrep bad la shna 160 tylli ki jaka shna jingbam ka sorkar kala mangpisa T.160 klur tyngka.
